Բանավեճ՝ Հայաստանի փոխվարչապետի և Ադրբեջանի վարչապետի միջև. Տեսանյութ

 ԱՊՀ կառավարությունների ղեկավարների խորհրդի առցանց նիստին ՀՀ փոխվարչապետ Մհեր Գրիգորյանը ուշադրություն է հրավիրել պատերազմի ընթացքում Ադրբեջանի կողմից իրագործված բազմաթիվ ավերածությունների, զոհերի վրա, ինչպես նաև նախազգուշացրել է ապակառուցողական դիրքորոշման մասին։

Ադրբեջանը շարունակում է խանգարել Արցախի շուրջ ձեռք բերված պայմանավորվածությունների իրականացման ընթացքին։Խ

Խոսքն առաջին հերթին վերաբերում է բազմաթիվ հայ ռազմագերիների պահմանը, ինչը ոչ միայն 2020թ. նոյեմբերի 9-ի եռակողմ հայտարարության 8-րդ կետի, այլ նաև միջազգային մարդասիրական իրավունքի խախտում է։

Պատերազմի պատճառով 40 հազար քաղաքացի կորցրել է իր տունն ու ունեցվածքը, ինչպես նաև ոչնչացվել է 17 հազար քաղաքացիական օբեյկտ ու ենթակառուցվածք։ 

Սպանվել և վիրավորվել է մի քանի հազար անձ, այդ թվում խաղաղ բնակիչներ։ Շատերի ճակատագիրը մինչ այսօր անհայտ է։

Բաքուն շարունակաբար խեղաթյուրում է տարածաշրջանում հաղորդակցությունների ապաշրջափակման վերաբերյալ 2021 թվականի նոյեմբերի 9-ի և 11-ի եռակողմ հայտարարությունների դրույթները:

Ադրբեջանի կողմից շրջանառվում է միջանցքի գաղափարը, որն ուղեկցվում է ուժի կիրառման սպառնալիքներով։

Արցախի հակամարտությունը չի կարող լուծվել ուժով։ Դրա կարգավորմանը կարելի է հասնել խաղաղ բանակցությունների ճանապարհով՝ բացառապես ԵԱՀԿ Մինսկի խմբի համանախագահության շրջանակներում։ 

Իրավիճակը լիցքաթափելու և տարածաշրջանում խաղաղ զարգացման փուլ դուրս գալու համար անհրաժեշտ է, որ Ադրբեջանը կառուցողական դիրքորոշում որդեգրի։

Բաքուն պետք է հրաժարվի ատելության քաղաքականությունից, ագրեսիվ հռետորաբանությունից և թշնամական գործողություններից։

Մհեր Գրիգորյանը բարձր է գնահատել ռուս գործընկերների ջանքերը, որոնք ներդրվել են Արցախում ադրբեջանական կողմի սանձազերծած պատերազմի դադարեցման, ինչպես նաև արցախա-ադրբեջանական սահմանին ու Լաչինի միջանցքում խաղաղապահների զորակազմ տեղակայելու համար։