Բրյուսելում ահաբեկչություն է տեղի ունեցել. ահաբեկիչը ոչնչացվել է (տեսանյութ)

Բելգիայի վարչապետ Շառլ Միշելը շնորհակալություն է հայտնել հատուկ ծառայության ներկայացուցիչներին օպերատիվ գործողությունների համար: Ինչպես տեղեկացնում է «Вести.ru»-ն, նախօրեին Բելգիայի ոստիկանությունը Բրյուսելի կենտրոնական կայարանում մահապարտի գոտիով տղամարդու է ոչնչացրել։ 

Ականատեսները պատմել են, որ սկզբից կրակոցներ են հնչել, իսկ հետո պայթուն է որոտացել: Մարդիկ շարժվեցին դեպի դռներ՝ փորձելով դուրս գալ կայարանից:

«Ես աստիճաններով իջնում էի. երբ լսեցի, որ ինչ-որ մեկը բղավում է: Ջիհադիզմի մասին ինչ-որ բառեր էին: Իսկ հետո պայթուն որոտաց», - պատմել է կայարանի աշխատող Նիկոլյա վան Հերենվելը:

Այդ պահը լուսանկարել է անցորդներից մեկը: Պայթուցիկ սարքը գտնվում էր երիտասարդ տղամարդու ուսապարկում: Քանի որ սարքի հզորությունը մեծ չէր, զոհերից և վիրավորներից հաջողվել է խուսափել: Մոտակայքում գտնվող իրավապահ մարմինները կրակ են բացել ահաբեկչի ուղղությամբ՝ ոչնչացնելով նրան: 

Ըստ որոշ աղբյուրների՝ նրա մոտ մահապարտի գոտի է հայտնաբերվել: 

Zham.am