Նիկոլ Փաշինյա՛ն, Արմեն Սարգսյա՛ն, սարի գագաթին եք, բարձրանալու տեղ չկա, իջե՛ք, դուք Հայաստանը ոչնչացնում եք. Բագրատյանը զգուշացնում է. Տեսանյութ

«Պրեսսինգ» հաղորդաշարում Սաթիկ Սեյրանյանի հյուրը ՀՀ նախկին վարչապետ, «Ազատություն» կուսակցության նախագահ Հրանտ Բագրատյանն է:

Բանախոսը համոզված է.

• Մենք գործ ունենք հերթական դավաճանության հետ, կոլաբորացիոնիստների հետ: Նիկոլ Փաշինյանը և Արմեն Սարգսյանը հանցակիցներ են: Այս երկրի սուվերեն տարածքից զիջել են, և դա միայն Փաշինյանի խնդիրը չէ, տարածքների խնդիրը որոշվում է հանրաքվեով, որն ըստ Սահմանադրության՝ նշանակում է ՀՀ նախագահը:

• Կա 4 կարմիր գիծ, որը նոյեմբերի 9-ին չպետք է անցնենք.

Դրանք են՝

1. Մենք չպետք է ճանաչենք Ադրբեջանի հետ մեր երկրի սահմանը Տեղ գյուղից հետո՝ Լաչինի հատվածը, որտեղ սկսվում է միջանցքը:
2. Մենք պետք է վերադարձնենք այն բոլոր տարածքները, որը հանձնվել է Վաղարշակ Հարությունյանի ստորագրությամբ՝ Գորիս-Կապան-Ճակատեն հատվածում:
3. Պետք է վերացնենք Սյունիքի և Գեղարքունիքի սուվերեն տարածքում թշնամու առաջխաղացումը:
4. Պետք է բացառենք միջանցք բառը. միջանցքը այն է, որ այդ ճանապարհի վրա ՀՀ օրենքները չեն գործում, այսինքն՝ հրաժարվում ենք սուվերենությունից:

Մոսկվան պետք է հստակ իմանա, որ հայկական կարմիր գծերը սրանք են:

• Շատ կարևոր է, որպեսզի ընդդիմության հանրահավաքները վերսկսվեն տարբեր մարզերում: Պետք է Մոսկվան զգա, որ այստեղ ժողովուրդ կա, որը դեմ է այդ ամենին:

• Ժողովուրդ, կիրառեք ձեր սահմանադրական իրավունքը՝ հանրապետության տարածքային փոփոխությունը դա հանրաքվեի հարց է:

• Պատերազմի սկսվելու մասին Նիկոլ Փաշինյանը 99 տոկոս ճշգրտությամբ գիտեր արդեն ապրիլին:

• 2020թ. սեպտեմբերի 2-ին Ռուսաստանի Գենշտաբը զգուշացրել էր Հայաստանին պատերազմի սկսվելու մասին, և հենց նույն օրը Օնիկ Գասպարյանը զգուշացրել էր Նիկոլ Փաշինյանին:

• Նիկոլ Փաշինյանը պիտի հասկանա՝ շուտ թե ուշ, հեռանալու է, վարչապետ չի լինելու:

• Հիմա ճիշտ ժամանակն է, որ Նիկոլ Փաշինյանը հեռանա՝ մեկ անգամ գոնե ցույց տա, որ իրեն հուզում է հայրենիքի ճակատագիրը:

• Նիկոլ Փաշինյանը պիտի մեղայականով գա ժողովրդի մոտ, ընդդիմության մոտ:

• Նիկոլ Փաշինյանը կարևորում է իր անձնական պրոբլեմը՝ զոհաբերելով պետության պրոբլեմները:

• ՔՊ, Նիկոլ Փաշինյա՛ն, Արմեն Սարգսյա՛ն, տղե՛րք, հիմա էն գծին եք հասել, սարի էն գագաթին, որից հետո բարձրանալու տեղ չկա, իջե՛ք, դուք Հայաստանը ոչնչացնում եք:

• Մեզ համար արտագաղթը դարձել է մարդկանց արտահանում՝ ամենամեծ էքսպորտի ճանապարհ. ուտող բերանները պակասում են, դրսից էլ փող է գալիս:

• Գործազուրկների թիվը կրճատվել է, բայց կրճատվել է նաև զբաղվածների թիվը, այսինքն՝ ավելացել է գրանցված աշխատողների թիվը:

• Պետությունը բոլոր առումներով ծվեն-ծվեն է լինում, իսկ դուք խոսում եք արտաքին պարտքի վտանգավոր շեմի մասին…

Հրանտ Բագրատյանի համար անհասկանալի է Ռուբեն Վարդանյանի այն հայտարարությունը, թե ակտիվ քաղաքականություն է մտնում, բայց իշխանության գալ չի ուզում. «Դա պոպուլիզմ է»:

• Ռուբեն Վարդանյանը հունիսի 19-ին հայտարարում է, որ անձնագիր է ստացել, երբ հունիսի 20-ին ընտրություններ էին լինելու. դա իսկական հարված էր ընդդիմությանը: