Իրանը հրթիռային հարված է հասցրել ԻՊ զինայլների դիրքերին Սիրիայում
Իրանի զինուժի էլիտար ստորաբաժանումը, այսպես կոչված, Իսլամական հեղափոխության պահապանների կորպուսը, հրթիռային հարված է հասցրել ահաբեկիչների դիրքերին Դեյր էզ Զոր քաղաքի շրջանում, Սիրիայի արևելքում:
Համաձայն Իսլամական հեղափոխության պահապանների կորպուսի հայտարարության, որը մեջբերում է ՏԱՍՍ գործակալությունը, հարվածը հասցվել է ահաբեկիչների կուտակման վայրում, նրանց հենակետերով ի պատասխան գրոհի Թեհրանի վրա: Իրանական կողմը կիրառել է երկիր-երկիր դասի միջին հեռահարության հրթիռներ:
Հիշեցնենք՝ օրեր առաջ Իրանի խորհրդարանն ահաբեկչական հարձակման է ենթարկվել, ինչի հետևանքով մեկ տասնյակից ավելի մարդ էր զոհվել: Ահաբեկչության համար պատասխանատվությունն իր վրա էր վերցրել Իսլամական պետություն խմբավորումը:
Zham.am
Հետևեք մեզ Facebook-ում