Այս լեռան վրայից էր փոխգնդապետ Յուրի Խաչատուրովը պաշտպանության նախարար Վազգեն Մանուկյանի հրամանով լացացնում զանգելանցիների մաման
«Այս լեռան վրայից էր փոխգնդապետ Յուրի Խաչատուրովը պաշտպանության նախարար Վազգեն Մանուկյանի հրամանով լացացնում զանգելանցիների մաման 1992 թ. դեկտեմբերի 10-ին՝ մաքրելով Կապանի «կույրաղիքը» և քաղաքը հանելով նկուղային վիճակից։
Ադրբեջանի և Հայաստանում դրածո կարգված թյուրքական վարչակարգի շահերի որպիսի՜ համընկում։
Ի դեպ, ժամանակին, երբ անկախ Հայաստան կար, այդ լեռան վրա ՀՕՊ կար։ Տեսնես ՀՕՊ-ն էլ հե՞տն են հանձնում», - գրել է քաղաքագետ Էդգար Էլբակյանը Ֆեյսբուքյան իր էջում, կից կիսվելով ՀՀ ԱԺ պատգամավոր Աննա Գրիգորյանի գրառմամբ, որը ներկայացնում ենք ստորև.
Կեղծ խաղաղասիրություն քարոզողներն այսօր նոր զիջումներ են պատրաստվում կատարել Կապանում:
Տեղական ինքնակառավարման մարմինների ընտրություններին ընդառաջ իշխանությունները հերթական նվերն են մատուցում իրենց կիրթ ու կառուցողական բարեկամներին`զիջելով ստրատեգիական նշանակության նոր բարձունքներ Կապանում:
Փաստացի կերպով Փելա սարն ամբողջությամբ անցնում է Ադրբեջանի վերահսկողության ներքո` անմիջական անվտանգային սպառնալիքներ ստեղծելով նաև հարակից գյուղերի համար:
Ադրբեջանն այլևս կարիք չունի դիմելու նոր սադրանքների քանի դեռ կառավարությունում նստածները հոժարակամ մաս-մաս հանձնում են մեր երկրի կարևորագույն, ռազմավարական նշանակության դիրքերը:
Հետևեք մեզ Facebook-ում