Որոտանի հատվածում ադրբեջանցիները հերթական սահմանափակումն են մտցրել
«Հրապարակ» թերթը գրում է. «Գորիս-Կապան ավտոճանապարհի Որոտանի հատվածում ադրբեջանցիները հերթական սահմանափակումն են մտցրել․ նրանք թույլատրում են, որ այդ հատվածով ավտոմեքենաները երթեւեկեն ժամը մեկ։ Այս մասին երեկ մեր լրագրողին հայտնել է Գորիսի տարածաշրջանի հոգեւոր հովիվ տեր Ահարոն քահանա Մելքումյանը։
«Ժամը մեկ են թողնում անցնեն, մեքենաները հավաքվում են, մինչեւ ժամը լրանա, հետո ռուս խաղաղապահների ուղեկցությամբ անցնում են անցակետի հատվածը»,- ասել է նա: «Երեկ պետք է գնայի Որոտան՝ հերոս նահատակի հուշարձան օրհնելու, պարզվեց՝ տասը րոպե ուշացել եմ, արդեն թույլատրել են, ստիպված եմ եղել 50 րոպե կանգնած սպասել, մինչեւ ժամը լրանա»։
Հիշեցնենք, որ շաբաթներ առաջ մի քանի օրով փակեցին ճանապարհը եւ թույլ չէին տալիս, որ ո՛չ հայկական, ո՛չ իրանական ավտոմեքենաներ անցնեին։ Հետո իբրեւ թե բացվեց, բայց երթեւեկությունն ուղեկցումով է եւ նման սահմանափակումներով: Քահանան ասել է, որ ավտոմեքենաների կամ ուղեւորների զննում չեն իրականացնում, պարզապես մեքենաները հավաքվում են եւ մեր միջպետական ճանապարհով անցնում են ժամը մեկ, ռուսների ուղեկցությամբ»:
Մանրամասները՝ թերթի այսօրվա համարում
Հետևեք մեզ Facebook-ում