Հրադադարի վերահսկման ռուս-թուրքական կենտրոնը ակտիվորեն գործում է Ադրբեջանի և Հայաստանի սահմանին. Պուտին. Տեսանյութ

Ռուսաստանի նախագահ Վլադիմիր Պուտինը չորեքշաբթի Թուրքիայի նախագահ Ռեջեփ Թայիփ Էրդողանի հետ հանդիպմանը նշել է Ռուսաստանի և Թուրքիայի հաջող համագործակցությունը միջազգային հարցերում, այդ թվում Սիրիայում և Լիբիայում: Ինչպես հայտնում է TASS գործակալությունը, այս մասին հայտարարել է ՌԴ նախագահ Վլադիմիր Պուտինը:

«Միջազգային ասպարեզում մենք բավական հաջող համագործակցում ենք: Ես նկատի ունեմ թե՛ Սիրիան, թե՛ մեր շփումները՝ Լիբիայի վերաբերյալ դիրքորոշումները համակարգելու հարցում»,-ասաց Պուտինը:

Նա նաեւ նշել է Արցախում հրադադարի վերահսկման կենտրոնի ակտիվ և արդյունավետ աշխատանքը:

«Հրադադարի վերահսկման ռուս-թուրքական կենտրոնը ակտիվորեն գործում է Ադրբեջանի և Հայաստանի սահմանին,-ասաց Պուտինը:-Այս համագործակցությունը կայունությանն ու հաշտեցմանն ուղղված հետագա քայլերի վերաբերյալ կողմերի դիրքորոշումների կարևոր երաշխիք է»:

Նա նաև հավելեց, որ Թուրքիայում կառուցվող ««Ակկույու» ատոմակայանի աշխատանքները շարունակվում են ըստ ծրագրի»,-հավելեց ՌԴ նախագահը:

Ավելի վաղ ՌԴ նախագահի մամուլի քարտուղար Դմիտրի Պեսկովը նշել է, որ Ռուսաստանի նախագահ Վլադիմիր Պուտինը իր թուրք գործընկեր Ռեջեփ Թայիփ Էրդողանի հետ հանդիպման համար, դե ֆակտո լքում է ինքնամեկուսացման ռեժիմը:

Zham.am