Կրեմլում տեղի է ունեցել Պուտին Ասադ հանդիպումը. Սիրիայի նախագահը շնորհակալություն է հայտնել ՌԴ նախագահին. Տեսանյութ

Նախօրեին Կրեմլում տեղի է ունեցել ՌԴ նախագահ Վլադիմիր Պուտինի հանդիպումը Սիրիայի Իսլամական Հանրապետության նախագահ Բաշար Ասադի հետ, որը գտնվում է Ռուսաստանում աշխատանքային այցով։ Այս մասին հայտնում է Կրեմլի պաշտոնական կայքը։

Սիրիայի նախագահը շնորհակալություն հայտնեց ՌԴ նախագահից կորոնավիրուսային համավարակի դեմ պայքարում ցուցաբերած օգնության համար։ 

«Մեկ անգամ ևս, թույլ տվեք օգտվել առիթից և շնորհակալություն հայտնել Ռուսաստանին, ռուս ժողովրդին և յուրաքանչյուր քաղաքացու առանձին՝ այն մարդասիրական օգնության համար, որը Ռուսաստանի Դաշնությունը սիրով տրամադրում է բազմաչարչար Սիրիայի Արաբական Հանրապետությանը՝ լինի դա դեղամիջոցներ, որոնք կօգնեն մեզ բուժել կամ կանխել կորոնավիրուսային վարակի տարածումը, ինչպես նաև բոլոր այլ օգնությունները, ներառյալ պարենը», - ասաց Բաշար Ասադը։ 

Նախագահները քննարկել են նաև ահաբեկչության դեմ պայքարը: Պուտինն ընդգծեց, որ այս ուղղությամբ Մոսկվայի և Դամասկոսի համատեղ ջանքերը հանգեցրել են դրական արդյունքների, Սիրիան աստիճանաբար վերականգնվում է, իսկ տեղի բնակիչները ակտիվորեն վերադառնում են ազատագրված տարածքներ:

«Մեր համատեղ ջանքերով ազատագրվեց Սիրիայի հիմնական, զգալի տարածքը: Ահաբեկիչները կրել են շատ լուրջ, էական վնասներ, Սիրիայի կառավարությունը՝ ձեր գլխավորությամբ, վերահսկում է տարածքի 90%-ը», - ասաց Վլադիմիր Պուտինը։ 

Zham.am