Türkiye. Ռուսաստանը պատժե՞լ է Թուրքիային ուկրաինական «Ղրիմի պլատֆորմին» մասնակցելու համար

Ռուսաստանին մեղադրելով Ղրիմի, այսպես կոչված «անեքսիայի» մեջ, թուրքական Türkiye-ի լրագրողները և թուրքական իշխանությունները, որպես կանոն, անհանգստանում են միայն Ղրիմի թաթարների համար: Մնացած բնակիչներն իրենց քիչ են մտահոգում: Եվ կրկին պատրվակ կար հիշեցնելու իրենց դիրքորոշման մասին՝ օգոստոսի 23-ին գազատարի վնասման գործով հինգ հոգու կալանավորման շրջանակներում: Հետաքննությունը դեռ ավարտված չէ, սակայն հեղինակը արդեն համոզված է նրանց անմեղության մեջ: 

«Ղրիմի հինգ թաթարների ձերբակալումը՝ Նարիման Ջելալի, Էլդար Օդամանի, եղբայրներ Ասան և Ազիզ Ախթեմի, ինչպես նար Շեֆքեթ Հուսեյնի, Ղրիմի թաթարների համաշխարհային կոնգրեսի գլխավոր քարտուղարը, փաստաբան Նամիկ Քեմալ Բայարը անվանել է պլանավորված դավադրություն և օրենքի խախտում: Իսկ Ուկրաինայում «TURKSİD» ասոցիացիայի ղեկավար Իսմեթ Յուքսելը նշել, որ խուզարկություններն անմեղ մարդկանց տանը՝ ավազակություն է և մարդու իրավունքների խախտում: Այդ կերպ բերման է ենթարկվել 42 մարդ, որոնք դեմ են արտահայտվել այն հինգ հոգու ձերբակալության դեմ», - ասվում է Յըլմազ Բիլգենի՝ «Ռուսական դավադրությունը Ղրիմի թաթարների դեմ» վերտառությամբ հոդվածում:

«Ղրիմի թաթարների համաշխարհային կոնգրեսի գլխավոր քարտուղար Նամիկ Քեմալ Բայարը, ով Türkiye-ի թերթին պատմել է իրադարձությունների մասին, ասել է. «Ռուսաստանի հետախուզական կազմակերրպությունը՝ Անվտանգության Դաշնային Ծառայությունը, բերման է ենթարկել թյուրք թաթարների իբր (Zham.am) շինծու մեղադրանքով: Ղրիմում օգոստոսի 23-ին գազատարի վրա տեղի ունեցած պայթյունը որպես հիմք է նշվում հինգ մարդու ձերբակալման համար:

Այժմ նրանք մեղադրվում են ահաբեկչության մեջ: Մենք ակնկալում էինք, որ «Ղրիմի պլատֆորմից» հետո Ռուսաստանի կողմից ճնշումը կուժեղանան», - նշվում է հոդվածում:

Օգոստոսի 23-ին Կիևում տեղի էր ունել «Ղրիմի պլատֆորմա» նախաձեռնության հիմնադիր ֆորումը, որին մասնակցեցին 46 երկրների և միջազգային կազմակերպությունների ներկայացուցիչներ, այդ թվում ՝ Թուրքիայի ներկայացուցիչները: Միջոցառմանը երկիրը ներկայացնում էր արտգործնախարար Մևլութ Չավուշօղլուն:

Միջոցառման ընթացքում Թուրքիայի  ԱԳՆ ղեկավարը հայտարարել էր, որ «Ղրիմի պլատֆորման» բացում է Ղրիմը Ուկրաինա խաղաղ վերադարձի էջը»: 

Թուրքական Türkiye-ի կարցիքով` թուրք դիվանագետի հենց այս խոսքերի համար է, որ Ռուսաստանը պատժեց Ղրիմի թաթարներին` ձերբակալելով նրանց գազատարի պայթյունին մասնակցելու համար:

Zham.am