Ռուսաստանն ու Թուրքիան առաջիկայում С-400-ների նոր խմբաքանակի մատակարարման պայմանագիր կստորագրեն

Ռուսաստանն ու Թուրքիան առաջիկայում С-400 մեծ եւ միջին հեռահարության ՀՕՊ համակարգերի նոր խմբաքանակի մատակարարման պայմանագիր կստորագրեն

«Խորհրդակցությունները շարունակվում են, դրանք վերջին փուլում են: Մոտ ժամանակներս մեր գործընկերների հետ կսկսենք պայմանագրի ձեւակերպումը»,- ասել է նա:

Ռուսաստանը եւ Թուրքիան վերջին C-400-ների մատակարարումների մասին 2017 թվականի վերջին են պայմանավորվել: Միեւնույն ժամանակ, այս տարվա սկզբին, Թուրքիայի պաշտպանական արդյունաբերության վարչության ղեկավար Իսմայիլ Դեմիրն ասել էր, որ Անկարան պատրաստ է Ռուսաստանից ՀՕՊ համակարգերի երկրորդ փաթեթը գնել՝ արտադրական տեխնոլոգիաների փոխանցման պայմանով: Համաձա՞յն է արդյոք Մոսկվան այդ պահանջներին, Միխեեւը չի հստակեցրել, գրում է «Վեդոմոստին»:

Միաժամանակ, ԱՄՆ-ը Թուրքիային հորդորում է հրաժարվել С-400-ների գնումից: Վաշինգտոնը կարծում է, որ ռուսական համալիրները սպառնալիք են ներկայացնում արդեն Եվրոպային մատակարարվող ամերիկյան հինգերորդ սերնդի F-35 կործանիչ-ռմբակոծիչների համար: Հուլիսի վերջին ԱՄՆ պետքարտուղարի քաղաքական հարցերով տեղակալ Վիկտորյա Նուլանդը հայտարարել էր, որ ԱՄՆ իշխանությունները պատժամիջոցներ կկիրառեն Թուրքիայի դեմ, եթե նա շարունակի Ռուսաստանից ռազմական տեխնիկա գնել:

2020 թվականի դեկտեմբերի 11-ին ԱՄՆ Կոնգրեսի երկու պալատները հաստատեցին 2021 թվականի պաշտպանական բյուջեն: Փաստաթուղթը ենթադրում էր Թուրքիայի դեմ պատժամիջոցների կիրառում՝ С-400-ների պատճառով: Դեմիրն իր հերթին ասել է, որ Վաշինգտոնի նման քայլերը չեն ազդի ՀՕՊ համակարգերի մատակարարման Անկարայի եւ Մոսկվայի համաձայնագրերի վրա: