Ուկրաինան պատրաստվում է պատերազմել Ռուսաստանի դեմ նույն թուրքական անօդաչուներով, ինչ Ադրբեջանը Արցախում. Forbes

Անօդաչուները, որոնք 2020 թվականին օգնեցին Ադրբեջանին հաղթանակ տանել պատերազմում Լեռնային Ղարաբաղում, համալրել է Ուկրաինայի ռազմածովային ուժերը: Դրանց վերապահված է պարեկություն իրականացնել Սև ծովում, գրում է Forbes-ը:

Թուրքական TB-2 անօդաչուն միակ խոշոր ու նոր ռազմական ինքնաթիռն է, որը ձեռք է բերել ուկրաինական նավատորմը վերջին 30 տարում: Առաջին ռազմածովային TB-2-ի ժամանումը ազդարարում է Ուկրաինայի ծովային պաշտպանության նպատակներում: 

Ռադիոկառավարվող մեկ շարժիչային  TB-2-ը կարող է թռչել մինչև 27,000 ոտնաչափ (մոտ 8 կիլոմետր) բարձրության վրա 24 ժամվա ընթացքում, տանելով 300 ֆունտ (136 կիլոգրամ) փոքր ճշգրիտ զինամթերք: 1400 ֆունտ (635 կիլոգրամ) քաշ ունեցող մեկ TB-2-ը արժեքը կազմում է մոտ մեկ միլիոն դոլար:

«Բայց մինչ այժմ այս անօդաչուն ամենամեծ ազդեցությունն է ունեցել Կովկասում: Ադրբեջանական զորքերը կիրառել են TB-2-ը կարճ, բայց արյունալի պատերազմում՝ վաղուց վիճելի, այսպես կոչված Լեռնային Ղարաբաղի Հանրապետությունում՝ հայկական բնակչությամբ տարածաշրջանում, որը շատ երկրներ ադրբեջանական են համարում:

Ադրբեջանական TB-2-ը և պարեկային ղեկավարվող ավիացիոն միջոցները ջարդուփշուր արեցին հայկական զորքերը` ստիպելով Հայաստանին հրաժարվել Արցախի մեծ մասից:

Կիևը հույս է տածում, որ  TB-2-ը նույնքան որոշիչ կլինեն Ուկրաինայի և Ռուսաստանի միջև հաջորդ պատերազմում: Ուկրաինայի հնացած օդուժը, որն ամբողջությամբ կազմված է նախկին սովետական ինքնաթիռներից, մեծ կորուստներ ունեցան 2014-ին «Ուկրաինայի Ղրիմի թերակղզի»՝ Ռուսաստանի ներխուժման ընթացքում», - ասվում է հեղինակավոր պարբերականում հրապարակված հոդվածում:

Zham.am