«Տասից մեկը»․ բժշիկը գնահատել է ողջ մնալու Մաքսիմի շանսերը
Բժիշկ-իմունոլոգ Վլադիմիր Բոլիբոկը գնահատել է երգչուհու Մաքսիմի (իսկական անունը՝ Մարինա Աբրոսիմովա) ողջ մնալու հավանականությունը թոքերի արհեստական օդափոխության սարքից էքստրակորպորալ մեմբրանային օքսիգենացիայի համակարգի անցնելու դեպքում, գրում է «Վեչերնյայա Մոսկվա»-ն։
Երգչուհու ներկայացուցիչն արդեն հերքել է այդ տեղեկությունը, սակայն հաստատել է, որ նա գտնվում է ծայրահեղ ծանր վիճակում։
Մասնագետի խոսքով՝ էքստրակորպորալ օքսիգենացիայի համակարգի անցումը վկայում է շատ ծանր վիճակի մասին։ Դա նշանակում է, որ թոքերն ամբողջովին դադարել են գործել, եւ մարդն ինքնուրույն չի շնչում նույնիսկ թոքերի արհեստական օդափոխության սարքի օգնությամբ։ «էքստրակորպորալ օքսիգենացիայի մեխանիզմից էությունը հետեւյալն է․ հիվանից արյուն են վերցնում, անկացնում սարքի միջոցով, այն հագենցում թթվածնով ու ետ վերադարձնում։ Փաստացի, հիվանդի մոտ արհեստական թոքեր են։ Մահվան ելքի հավանականությունն այդ դեպքում 90 տոկոսից ավելի է»,- ասել է նա։
Բոլիբոկն ընդգծել է, որ եթե երգչուհու մասին տեղեկատվությունը հաստատվի, նշանակում է՝ Մաքսիմի վիճակը ծայրահեղ ծանր է։ «Երբ մարդուն միացնում են թոքերի արհեստական օդափոխության սարքին, ողջ մնալու հավանականությունը երկուսից մեկն է, իսկ էքստրակորպորալ օքսիգենացիայի» դեպքում՝ տասից մեկը»,- եզրափակել է նա։
Հետևեք մեզ Facebook-ում