«Այն եզակի մարդկանցից էր, ով ձեռքս պինդ բռնեց, երբ դրա կարիքն ունեի․․․ կորուստը ցավոտ է»․ Լիլուն՝ կյանքից հեռացած Գեւորգ Եղիազարյանի մասին

Երգչուհի Լիլուն լուսանկարներ է հրապարակել, որոնցում պատկերված է հաղորդավար Գեւորգ Եղիազարյանի հետ, ով 47 տարեկան հասակում հեռացավ կյանքից։

Իր Instagram-ի Stories բաժնում, ուր ցանկացած հրապարակում հասանելի է միայն 24 ժամ, ինչից հետո ջնջվում է, տեղադրված կադրերին կից Լիլուն գրել է․

«Գեւորգի հետ մենք մի ամբողջ կյանք ու կռիվ ենք անցել․ մի ամբողջ գիտակից կյանք։ Երբ նոր-նոր էի անում իմ առաջին քայլերը, նա այն եզակիներից էր, ով ձեռքս պինդ բռնեց, երբ դրա կարիքն ունեի եւ սովորեցրեց լինել այնպիսին, ինչպիսին ինձ տեսնում եք հիմա։ Ես բացառություն չէի, նրան ճանաչողները գիտեն՝ որքան հոգատար, հասնող, նվիրված կարող էր լինել»։

«Հիմա նա այլեւս չկա, կան միայն իմ հուշերը եւ դրվագները, որոնք եբեք չեն ջնջվի․․․ Հանգչիր խաղաղությամբ, իմ ընկեր։ Գեւորգ Եղիազարյան, դու հավերժ իմ սրտում։

Հ․Գ․ Կյանքը կրկին ապացուցեց, որ պետք է գնահատել սիրել եւ միշտ հիշել, որ կորուստը ցավոտ է, իսկ մարդկանց պետք է սիրել կենդանության օրոք»։