«Կիլիկիա» պարային համույթը երեխաների տոնին ընդառաջ (Ֆոտոշարք)

Երեխաների տոնին ընդառաջ այցելեցինք «Կիլիկիա» պարային համույթ, որտեղ ներկա գտնվեցինք համերգային փորձերի: Ինչպես ասաց համույթի ղեկավար,պարուսույց Լյուդվիգ Բուռնազյանը, համույթը պատրաստվում է հունիսի 1-ին կայանալիք համերգ-փառատոնին:

«Երեխաների տոնին համերգ տալը սաներիս համար կրկնակի տոն է. դա նրանց տոնն է».-ասաց նա:

Պարուսույցի տեղեկացմամբ համույթը մասնակցել է բազմաթիվ համերգների, պարգևատրվել մրցանակներով ու պատվոգրերով:

Թե ապագայում ունեն համերգներ և ում հովանավորությամբ է համույթը մասնակցություն ունենում համերգներին պարուսույցը պատասխանեց.- «Պատրաստվում ենք մինչ երեխաների տոնը Կիրովականում համերգ- փառատոնի, այնուհետև ամռանը Սևանում համերգ-փառատոնի, Վրաստանում կայանալիք միջազգային համերգ-մրցանակաբաշխության։ Իսկ հիմնական հովանավոր չունենք, ինչը շատ ցանկալի կլիներ»:

Լ.Բուռնազյանը բոլոր երեխաներին մաղթեց անհոգ ու երջանիկ մանկություն, ցանկացավ, որ յուրաքանչյուր հայ երեխա կրթվի ազգային ոգով և ինչու չէ նաև պարով:

Նշենք, որ համույթի պարուսույց Լյուդվիգ Բուռնազյանը, ով նույնպես պարարվեստի նվիրյալներց է, ապրիլին ՀՀ մշակույթի նախարարի կողմից պարգևատրվեց պատվոգրով:

Zham.am