Հրաչյա Հարությունյանի հարազատները սպասում են արտահանձնմանը
Ռուսաստանի Դաշնության Տամբով քաղաքի ՔԿՀ-ում պահվող, 6 տարի 9 ամիս ժամկետով ազատազրկման դատապարտված Հրաչյա Հարությունյանի հարազատներն ամեն օր սպասում են արտահանձնման հետ կապված նորության:
«Դեռ սպասում ենք, տեսնենք ինչ կլինի»,- «Ա1+»-ին ասաց Հրաչյա Հարությունյանի կնոջ հայրը՝ Վիկտոր Մարտիրոսյանը:
Դեռ ապրիլի 25-ին նա հանդիպել է Արդարադատության փոխնախարարի հետ եւ նրան տեղեկացրել էին, որ մեկ-երկու ամսից պարտադիր կերպով կարտահանձնեն:
Խնդրի կարգավորմանը նպաստել է նաեւ հանգամանքը, որ ավտովթարից տուժածների 18 ներկայացուցիչներին փոխհատուցվել է դատարանով սահմանված 18 մլն ռուբլին: Հրաչյա Հարությունյանին Հայաստան փոխանցելու հարցում ֆինանսական պարտավորությունների առկայության խոչընդոտը վերացված է և ակնկալվում է նրա փոխանցումը՝ պատժի մնացած մասը ՀՀ-ում կրելու նպատակով:
Հրաչյա Հարությունյանն իր «Կամազ» մակնիշի մեքենայով 2013 թ-ի հուլիսի 13-ին ՌԴ Պոդոլսկի շրջանի մերձակայքում բախվել էր մարդատար ավտոբուսին, ինչի հետևանքով զոհվել էր 18 մարդ։
Հետևեք մեզ Facebook-ում