Մենք երբեւե չենք համակերպվելու Ադրբեջանի կազմում լինելը, դա բացառվում է. Արցախի նախագահ
Արցախի նախագահ Արայիկ Հարությունյանը նախորդ օրերին այցելել է Մարտունու շրջանի Թաղավարդ, Կարմիր շուկա եւ Ասկերանի շրջանի Սարուշեն, Շոշ, Խանապատ եւ Խրամորթ համայնքներ։
Բնակիչների հետ քննարկվել է ինչպես անվտանգային, այնպես էլ սոցիալ-տնտեսական խնդիրները: Նախագահի հանձնարարականի համաձայն՝ այդ համայնքներում աշխատուժի ավելացման հաշվին նոր թափ կստանան շինարարական աշխատանքները:
«Շրջայցիս ընթացքում հետեւել եմ նաեւ մեր երկրի տնտեսական խոշոր նախագծերից՝ Կարկառ գետի գլխավոր հանգույցի շինաշխատանքներին, որոնց ավարտից հետո արդեն գալիք տարեսկզբից 2000 հա հողատարածք ոռոգովի կդառնա»,– ֆեյսբուքի իր էջում գրել է Արցախի նախագահը։
Արցախցիների հետ հանդիպմանը, Արայիկ Հարությունյանն անդրադարձել է նաեւ Արցախի անկախության ճանաչման գործընթացին։
«Մենք շարունակելու ենք անկախության համար պայքարը, մենք երբեւե չենք համակերպվելու Ադրբեջանի կազմում լինելը, դա բացառվում է։ Անկախության օրակարգը մնալու է, դա երկար պրոցես է ու մենք դրան հասնելու ենք»,– ասել է Արցախի նախագահը։
Հետևեք մեզ Facebook-ում