Ի՞նչ կա բանավիճելու կապիտուլյանտի հետ․ Վանեցյանը՝ Փաշինյանի հետ բանավեճի մասին

«Պատիվ ունեմ» դաշինքի առաջին համար և վարչապետի թեկնածու Արթուր Վանեցյանին հարցրինք՝ պատրա՞ստ է բանավեճի գնալ Նիկոլ Փաշինյանի հետ։ 

Վանեցյանը նախ ասաց՝ այս պահին կարծում է, որ ոչ։ Հետո ավելի հստակեցրեց․ «Ի՞նչ կա բանավիճելու կապիտուլյանտի հետ, երկիրը կործանման եզրին հասցրած մարդու հետ։ Ինչի՞ մասին խոսենք նրա հետ»։

Վանեցյանի կարծիքով՝ սա սովորական քաղաքական գործընթաց չէ, և Նիկոլ Փաշինյանն էլ սովորական քաղաքական գործընթացի մասնակից չէ։

«Նա մարդ է, ով մեր երկիրը հասցրել է ծայրահեղ վիճակի, նա մարդ է, ով մեր երկիրը տարել է պարտության, հազարավոր զոհերի, և բանավիճել նման անձի հետ ես գտնում եմ ոչ ճիշտ»,-ասաց նա։

Հիշեցնենք, որ Ռոբերտ Քոչարյանն էլ է հայտարարել, որ հողերը հանձնածի հետ իրենք ի՞նչ բանավիճեն։