Հայ-չինական բիզնես զարգացման ֆորում

Գրանդ Հոթել հյուրանոցում կայացավ հայ-չինական բիզնես զարգացման ֆորումը: Հայ-չինական բիզնես ֆորումի կազմակերպիչ Անահիտ Գևորգյանը նշում է, որ ցանկացած քաղաքացի կարող է իր ներդրում ունենալ Հայաստանի զարգացման համար: Նրան հաջողվել էր ֆորումին հրավիրել պետական համակարգի ոլորտի իրավասուներին նաեւ փորձագետների, որոնք Չինաստանի հետ աշխատելու փորձ ունեն: Ի դեպ գրեթե յուրաքանչյուր բանախոս նշեց, որ այդ ժողովրդին գրավելու համար նախ պետք է լեզուն սովորել: Ինչո՞վ է գրավիչ Հայաստանը Չինաստանի համար, որն ունի հզոր տնտեսություն ու ահռելի շուկա: Ո՞ր ոլորտներում կարող են գործակցել երկու երկրները. ահա սա էր հայ-չինական ֆորումի նպատակը:

Մասնակիցներին Շանհայից տեսակամուջով միացավ չինացի դոկտոր Սիաոհուա Յանգը՝ (Տնտեսագիտության թեկնածու, Սան Ֆրանցիսկոյի համալսարանի Միջազգային Կառավարման Բիզնես դպրոց) եւ տվեց մի քանի պրակտիկ խորհուրդներ: Հայաստանն ունի մարդկային կապիտալ, հայերը խելացի են: Նաև կարող են Հայաստանում ստեղծել «Սիլիկոնային հովիտի» տարբերակը, թեպետ այսօր էլ IT ոլորտի տեղական ընկերությունները գործակցում են «Սիլիկոնային հովիտի» հետ :

ՀՀ ԱԳՆ նախարարի տեղակալ Ռոբերտ Հարությունյանը ներկայացրեց այն խոչընդոտները, որի պատճառով դանդաղում է չինական կապիտալի ներգրավումը տեղական շուկա: Հայաստանի տնտեսական դժվարություններն ակնհայտ են՝ փակ սահման եւ սպառման փոքր շուկա: ԵԱՏՄ-ին անդամակցած Հայաստանը Չինաստանին գրավելու հարցում ունի մրցակից: Չինաստանին սահմանակից Ղազախստանը շատ ավելի լավ հնարավորությունների սկիզբ է՝ առկա է սպառման մեծ շուկա, կա երկաթուղային կապ եւ կայուն տարածաշրջան, նվազ ռիսկեր: Սակայն Հայաստանը փորձում է բարենպաստ հարկային միջավայր ստեղծել ներդրողների համար, -նշեց նախարարի տեղակալը:

Քչերը գիտեն «չնաշխարհիկ» բառի իրական նշանակությունը,- ասում է Տնտեսագիտության դոկտոր-պրոֆեսոր Թաթուլ Մանասերյանը: Դա նշանակում է՝ չինական աշխարհից բերված, մեկնաբանում է դոկտոր-պրոֆեսորը: Դեռ միջնադարում հայ վաճառականները գիտեին, որ այն ինչ բերված է Չինաստանից, այն ունի բարձր որակ: Այսօր էլ տարածաշրջանի երկրները փորձում են վերականգնել մետաքսի ճանապարհը ու ստեղծել ավելի արդյունավետ առեւտրական կապեր: Այսօր անիմաստ է մրցակցել Չինաստանի հետ, որովհետեւ այդ երկրին արտադրում է գրեթե ամեն ինչ: Մենք կարող ենք իրականացնել համատեղ ծրագրեր, -հավելեց Մանասերյանը:

Հայաստանի խնդիրն է իր ուղեղներին պահել երկրում եւ ինտելեկտուալ արդյունք ստեղծել Հայաստանում, սակայն աշխարհի շուկայի համար: Այդ առումով կարեւոր է համարվում չինացի ներդրողների ընդգրկումը: Ժամանակակից տնտեսությունը ունի նոր տեխնոլոգիաների պահանջ: Արագ զարգացող չինական տնտեսությունը կարող է դառնալ հայկական մտքի պատվիրատուն:

Միջոցառմանը ներկա էր նաեւ չինական կազմակերպության հնդիկ գործարար Կիրիտ Վելանին: Նա Չինական FMD KL-ի Հայաստանի ներկայացուցիչն է, որը զբաղվում է կլինիկական հետազոտությունների ծառայություններով, ծրագրերով, լուծումներով: Այն ունի 19 մասնաճյուղ ԱՄՆ-ում, Հարավային Կորեայում, Ճապոնիայում, Մեծ Բրիտանիայում, Հնդկաստանում և այլն: Վելանին ներկայացրեց իր բիզնեսի հաջողության պատմությունը Հայաստանում: Նշեց, թե ինչպես, առաջին անգամ Հայաստան գալով, սարսափելի ցուրտ էր քաղաքում, սակայն զգալով մարդկանց ջերմությունը վերադարձավ Չինաստան և իր տնօրինությանը համոզեց Հայաստանում մասնաճյուղ բացել՝ հիմնավորելով, որ մարդիկ այստեղ շատ խելացի են, լեզուների գիտակ և նաև ՀՀ-ը գտնվում է Եվրոպայի և Չինաստանի գրեթե խաչմերուկում ու ժամային գոտու առումով շատ հեշտ է աշխատել (4 ժամ հետ է Չիաստանից և 4 ժամ առաջ՝ Անգլիայից): ''2015-ին Հայաստանում սկսեցինք 1 աշխատակցով, սակայն այս տարվա մարտի տվյալի համաձայն արդեն ունենք 100 աշխատող: Միջազգային աշխատակազմով միշտ տոնում են բոլոր ազգերի տոները՛՛- նշում է Կիրիտ Վելանին:

ՀՀ տնտեսական զարգացման և ներդրումների նախարարության զբոսաշրջության պետական կոմիտեի նախագահի առաջին տեղակալ Մեխակ Ապրեսյանը հավելեց, որ չինացիները շատ են սիրում ճամփորդել, լուսանկարել ու առեւտուր անել.... Կարծում եմ շատ բանով կարող ենք հետաքրքիր լինել: Չինաստանի քաղաքացիները և ճամփորդական փաստաթղթեր ունեցող անձինք Հայաստանի Հանրապետության մուտքի վիզա կարող են ստանալ դյուրացված կարգով` նաև ՀՀ սահմանային կետերում «E-VISA» համակարգից օգտվելու միջոցով՛՛-նշեց Մ. Ապրեսյանը:

Հայ-չինական ֆորումի ավարտին մասնակիցների հարցերին պատասխանեցին բանախոսները, որոնք առնչվում էին օրենսդրական դաշտին, վարչարարությանը եւ առկա խոչընդոտներին: Հուսանք, որ մեր քննարկումը միակ չի լինի և կկրի պարբեևական բնույթ: Հավատում ենք, որ կզարգացնենք ու կշարունակենք հայ-չինական հարաբերությունները տնտեսական, բիզնես, կրթական, մշակութային և այլ ոլորտներում: Ակնհայտ է, որ այսօր փակ սահմանն ու փոքր շուկան այլեւս կարծրատիպեր չեն: Հայկական բարձր տեխնոլոգիաների ոլորտի բիզնեսը արդյունք է ստեղծում աշխարհի համար եւ գտնում արդյունավետ գործընկերներ: Մետաքսի ճանապարհը այլեւս գծվում է նաեւ վիրտուալ հարթությունում : Հայաստանի զարգացման ճանապարհը լինելու է հայկական ինժեներիայի հրաշքը, -իր իսկ կազմակերպած ֆորումը եզրափակում է Անահիտ Գեւորգյանը: Ֆորում կազմակերպելն ինքնանպատակ չէր և այն կրելու է շարունական և զագացող բնույթ: