ԱՊՀ երկրների ղեկավարների գագաթաժողովը տեղի կունենա հոկտեմբերի 15-ին Մինսկում
ԱՊՀ գագաթաժողովը նախատեսված է հոկտեմբերի 15-ին Մինսկում, տեղեկացրել է Բելառուսի նախագահ Ալեքսանդր Լուկաշենկոն ԱՊՀ գործադիր կոմիտեի նախագահ – գործադիր քարտուղար Սերգեյ Լեբեդեւի հետ հանդիպման ժամանակ։ Այս մասին տեղեկացրել է Բելառուսի նախագահի մամուլի ծառայությունը։
«Լուկաշենկոն ասել է, որ Մինսկում հանդիպման հնարավորությունը վերջերս քննարկվել է նաեւ Եվրասիական բարձրագույն տնտեսական խորհրդի նիստում, որն անցկացվում էր տեսակոնֆերանսի ձեւաչափով»,- ասվում է մամուլի ամփոփագրում։
«Մենք ծրագրել էինք, որ նախօրեին կանցկացնենք ԵՏՄ նիստ. նախագահները կհանդիպեն, կքննարկեն որոշակի հարցեր, որոնք կան, որոնք պետք է քննարկել։ Եվ հաջորդ օրը, ինչպես ծրագրված է, մենք կհանդիպենք ԱՊՀ շրջանակում։ Ես պատրաստ եմ, որպեսզի ձեզ հետ միասին այստեղ դիմավորեմ պետությունների ղեկավարներին առկա ռեժիմով եւ ներկայացնեմ լուրջ թեմաներ խոսակցության համար»,- ասել է նախագահը։
Մայիսի 28-ին Մինսկում տեղի կունենա ԱՊՀ կառավարությունների նախագահների խորհրդի նիստ։
Հետևեք մեզ Facebook-ում