ԵԼՔ-ը ոչ մի ձայն չի ավելացրել, այլ ավելին վնաս է հասցրել փողով ընտրելու դեմ պայքարի գործին

ԵԼՔ-ի Երևանի ավագանու ընտրությունների հետ կապված հայտարարությունում նկատվում է նախկինում արված մի սխալ մտքի շարունակականությունը, որը հիմնական թեզն այն է՝ իրենք իրենց տված ձայները պահել են, ու կարծես իրենց համար միայն դա է կարևոր, այլ ոչ թե ընդհանուր ընտրությունների ազատ ու արդար լինելը։ Սա հիշեցնում է միայն դռան դեմը կաֆել խփելու հայտնի սովորությունը։
Ընտրությունները չեն կարող արդար ու ազատ լինել, եթե փող է բաժանվում, ավելին՝ եթե ազատ ու արդար չեն, ապա չեն կարող նաև լեգիտիմ լինել։
Այս սխալ տրամաբանությամբ ԵԼՔ-ը ԱԺ-ի ընտրություններից հետո հայտարարեց, որ լեգիտիմ է ընտրությունները, քանի որ քաղաքացին փողը վերցրել ու ընտրել է։ Ի դեպ փող վերցնելը լեգիտիմ համարելուց մի քանի շաբաթ հետո ԵԼՔ-ը պայքարում էր ընտրակաշառքի դեմ, չհասկանալով նաև, որ լեգիտիմ համարելով կաշառքով ընտրությունները նաև մղում է քաղաքացիներին փող վերցնել։ Ավելին ԵԼՔ-ը Երևանի ընտրությունների ժամանակ հանդես եկավ փողի դիմաց ընտրություններին մասնակցելու առաջարկությամբ։ Ի դեպ ընտրությունների արդյունքները ցույց տվեցին, որ այդ առաջարկությունը ձախողել է, ԵԼՔ-ը ոչ մի ձայն չի ավելացրել, այլ ավելին վնաս է հասցրել փողով ընտրելու դեմ պայքարի գործին։
Մի խոսքով ԵԼՔ-ը ազատ ու արդար ընտրությունների պայքարի գործին վնասներ է հասցրել, որոնք ոչ միայն այլոց գործն է դժարացրել, այլ նաև իրենց գործը։ Ես հույս ունեմ, որ իրենք իրենց այս կատարած սխալները կընդունեն, ու լուրջ քայլեր կձեռնարկեն դրանց բացասական հետևանանքերը վերացնելու համար։

Արմեն Գրիգորյանի ՖԲ էջից