Ռուսական ԶԼՄ-ների անդրադարձը Ռոբերտ Քոչարյանի հանրահավաքին

Հայաստանի նախկին նախագահ Ռոբերտ Քոչարյանի կողմնակիցների բազմահազարանոց հանրահանրահավաք է տեղի ունեցել Ազատության հրապարակում,  ինչին անդրադարձել ռուսական մամուլը:

РИА Новости-ին գրում է, որ Ռոբերտ Քոչարյանը, «Վերածնվող Հայաստան» կուսակցության նախագահ Վահե Հակոբյանն ու ՀՅԴ ներկայացուցիչ Իշխան Սաղաթելյանը հայտարարել են առաջիկա ընտրություններին միասնական` «Հայաստան» դաշինքով մասնակցելու մասին։

Քոչարյանը հայտարարել է, որ գործող իշխանությունները պետք է հեռանան, քանի որ նրանք «պարտության խորհրդանիշը, դեմքն ու ձայնն են», գրել է Интерфакс-ը։

Քոչարյանը հայտարարել է, որ գործող իշխանություններին մնացել է 42 օր՝ երկիրը կառավարելու համար և կողմնակիցներին կոչ արել սոցցանցերում հետհաշվարկ կատարել, անդրադարձել է РБК-ն։

Քոչարյանը վստահեցրել է, որ չէր պատրաստվում զբաղվել քաղաքականությամբ, սակայն երկրում իրավիճակը միջամտություն է պահանջում, եզրափակել է լրատվամիջոցը:

Zham.am