КоммерсантЪ. Արտահերթ ընտրություններ նշանակելու համար Հայաստանում իրականացվել է մանիպուլյացիա. Լուսանկարներ

Ռուսական «КоммерсантЪ»-ը հոդված է հրապարակել Նիկոլ Փաշինյանի՝ երկրի վարչապետի պաշտոնում չընտրվելու մասին՝ այս գործողությունը անվանելով «մանիպուլյացիա»: Հոդվածում խոսվում էր նաեւ Փաշինյանի Սյունիք կատարած վերջին այցի մասին, իսկ այցն ինքնին անվանվել էր «ամոթալի իրադարձություն»:

Երկուշաբթի օրը Հայաստանի խորհրդարանը փորձեց ընտրել երկրի նոր վարչապետ: Ճիշտ է, դա զուտ ձեւականություն էր. քաղաքական ուժերը նախապես պայմանավորվել էին, որ միակ թեկնածուն Փաշինյանն էր: Ըստ պլանի Նիկոլ Փաշինյանը չպետք է բավարար ձայներ հավաքեր:

Նման ընթացակարգը անհրաժեշտ է արտահերթ խորհրդարանական ընտրություններ նշանակելու համար, որից հետո Փաշինյանը նախատեսում է լրջորեն վերադառնալ իր նախկին պաշտոնին՝ ստանալով ընտրողների աջակցությունը: Ուստի նա օգտագործեց խորհրդարանական ամբիոնը՝ իր համար քարոզչություն իրականացնելու համար:

Քվեարկության տարօրինակ արդյունքները

75 պատգամավոր սեղմեց «ձեռնպահ» կոճակը, երեքը դեմ քվեարկեցին, և միայն մեկը՝ կողմ: Հատկանշական է, որ գրեթե բոլոր ընտրողները իշխող «Իմ քայլը» դաշինքից էին: Քանի որ ընդդիմադիր մի խմբակցություն՝ «Բարգավաճ Հայաստանը», ընդհանուր բոյկոտեց նիստը, իսկ մյուսը ՝ «Լուսավոր Հայաստանը», պարզապես չքվեարկեց:

Ընդդիմության շրջանակներում ավելի վաղ քննարկվում էր այն միտքը, որ այդ խմբակցություններից մեկը դեռ կարող է առաջադրել իր սեփական թեկնածուին, որպեսզի եթե չխախտի Նիկոլ Փաշինյանի ծրագրերը, ապա գոնե իր վրա ուշադրություն գրավի: Սակայն գոնե երեկվա քվեարկության ժամանակ դա տեղի չունեցավ: Ինչպես նախազգուշացրեց ինքը՝ Նիկոլ Փաշինյանը քվեարկությունից առաջ՝ ելույթ ունենալով պատգամավորների առջև, եթե դա տեղի ունենար, «Իմ քայլը» խմբակցությունը պարզապես կընտրի նոր վարչապետ», այսինքն՝ իրեն:

Ցույց տալով, որ ինքը, իր հերթին, հոգ է տանում երկրի անվտանգության մասին, Փաշինյանն անդրադարձավ իրավիճակին Սյունիքի մարզում, որտեղ այժմ անցնում է Ադրբեջանի հետ փաստացի սահմանը:

Փաշինյանը հայտարարեց, որ «այնտեղ ստեղծվել են 102-րդ ռուսական ռազմաբազայի երկու նոր հենակետեր»՝ սա անվանելով «լրացուցիչ երաշխիք ոչ միայն Սյունիքի մարզի, այլեւ ամբողջ Հայաստանի անվտանգությունն ապահովելու համար»:

Հիշեցնենք, որ վերջերս Սյունիքի մարզ կատարած այցը խայտառակ իրադարձություն դարձավ Նիկոլ Փաշինյանի համար. տեղի բնակիչները պարզապես վռնդեցին նրան իրենց քաղաքներից ու գյուղերից:

Zham.am