Carnegie Moscow Center. Ցեղասպանության ամերիկյան ճանաչումը ավելի մեծ շանսեր ունի ազդելու Ռուսաստանի հարաբերությունների վրա ոչ թե Թուրքիայի, այլ Հայաստանի հետ

Քարնեգիի Մոսկվայի կենտրոնը (Carnegie Moscow Center) հոդված է հրապարակել ՝ նվիրված ԱՄՆ նախագահի կողմից Հայոց ցեղասպանության ճանաչմանը: Zham.am-ը Ձեզ է ներկայացնում հրապարակված նյութերից մի քանի կարեւոր դրվագներ: 

Ցեղասպանության ամերիկյան ճանաչումը ավելի մեծ շանս ունի ազդելու Ռուսաստանի հարաբերությունների վրա ոչ թե Թուրքիայի, այլ Հայաստանի հետ: Հայերի համար Ցեղասպանության թեման սուրբ է և դարձել է ազգային ինքնության հիմքերից մեկը: Բայդենն իր ճանաչմամբ ցույց տվեց հայերին, որ ոչ միայն Ռուսաստանը, այլև ԱՄՆ-ն պատրաստ է հասկանալ և պաշտպանել նրանց սկզբունքները: Երկրում շարունակվող նախընտրական արշավի հետ զուգորդված՝ սա կարող է նոր խթան հաղորդել ամերիկյան ներկայությանը Հայաստանում, չնայած դա դյուրին չի լինի՝ հաշվի առնելով, թե որքանով է այժմ Երևանը կախված Մոսկվայից ինչպես տնտեսության, այնպես էլ անվտանգության տեսանկյունից:

Բայց Էրդողանը կարող է չվախենալ, որ Ցեղասպանության ճանաչման նկատմամբ չափազանց թույլ արձագանքը իր համար խնդիրներ կստեղծի ներքաղաքական կյանքում: Նա այժմ գտնվում է իր կարիերայի զենիթում. երկրում նրա հզորությունը իր պատմական առավելագույնի է հասնում: Նա վերահսկում է ամենամեծ քաղաքական կուսակցությունը, որը հաջողությամբ պահպանում է միասնությունը՝ չնայած կուսակցության շարքերում որոշակի խմորումների: Նա վերահսկում է խոշոր բիզնեսի, արդյունաբերական կոնգլոմերատների և լրատվամիջոցների զգալի մասը:

Թուրքիայի ղեկավարը սովոր է ամերիկյան քննադատություններին, անգամ կոշտ ու հասարակական քննադատություններին: Նրա զայրույթի պոռթկումները լավ հաշվարկված են և տեղի են ունենում միայն այն ժամանակ, երբ դրանք կարող են նրան տալ հասկանալի, շոշափելի օգուտ: Հայոց Ցեղասպանության ճանաչումը չի փոխի Թուրքիայի ուղին դեպի ավելի մեծ անկախություն ոչ ամերիկամետ, ոչ էլ ռուսամետ ուղղությամբ:

Zham.am