«Եթե համախմբվում ենք՝ ուրեմն նպատակ ենք դնում իշխանության գալ». Ա. Սարգսյան

Երեկ 3 կուսակցություններ՝ «Համախմբում», «Երրորդ հանրապետություն» , Հայաստանի դեմոկրատական կուսակցությունը հայտարարություն տարածեցին առաջիկա խորհրդարանական ընտրություններին մեկ դաշինքով մասնակցելու մասին։ Թե ինչ շանսեր կունենա նոր ձևավորված քաղաքական միավորը, Դեմոկրատական կուսակցության նախագահ Արամ Սարգսյանը դժվարանաում է ասել:

« Պարզ է , որ եթե համախմբվում ենք՝ ուրեմն նպատակ ենք դնում մեր առջև: Թե շանսերն ինչպիսին են, դա արդեն ժողովուրդը կասի»,-Zham.am-ի հետ ասաց Սարգսյանը:
Իսկ նպատակն ըստ նրա միայն մեկն է՝ իշխանության գալը, գործող համակարգից ազատվելու համար:

Սարգսյանը նշեց, որ այս պահին ընթանում են բանակցություններ նաև այլ քաղաքական ուժերի հետ, սակայն անուններ չնշեց:

«Մենք հայտարարել ենք, որ ավելի լայն դաշինք է լինելու, մենք հիմքն ենք դրել դաշինքի, հայտարարել ենք այն սկզբունքների վերաբերյալ, որոնք որ մեզ համար կարևոր էին: Համամիտ կլինեն, կքննարկենք նաև նրանց մասնակցութունը»,-պարզաբանեց նա:

Թե քանի կուսակցությունների հետ են ընթանում այս պահին բանակցությունները, Սարգսյանը նշեց, որ չի կարող ասել և առաջիկայում այդ մասին հայտատարարություն կլինի:

Երեկ քաղաքականություն վերադառնալու և Ազգային ժողովի ընտրություններին մասնակցելու մասին հայտատարեց նա «Բարգավաճ Հայաստան» կուսակցության նախկին նախագահ Գագիկ Ծառուկյանը:

Հարցին՝ ինչպե՞ս կխոխվի քաղաքական իրավիճակը նրա վերադարձով, Սարգսյանը պատասխանեց.

«Փոխելու խնդիր ես չեմ տեսնում, այլ քաղաքական մի նոր և միաժամանակ նաև հին միավոր կլինի, որը որ կներկայացնի իր նոր ծրագիրը: Տեսնենք ինչպիսին կլինի և հանուն ինչի կլինի: Հիմա դրա մասին խոսելը դեռ շատ վաղ է»:

Հնարավոր է, որ նոր դաշինքը միավորվի ԲՀԿ-ի հետ, հարցին, Սարգսյանն ասաց, որ դեռ քննարկումներ այդ մասին չեն եղել և չի կարող ասել:

«Չեմ կարող որևէ բան հստակ ասել, որովհետև այդպիսի բանակցություններ չենք վարել և չենք քննարկել դաշինքում»:

Բայց նաև չբացառեց Ծառուկյանի հետ միավորումը.

«Չենք բացառում համագործակցությունը, եթե համընկնեն նպատակները և բոլոր այն մեխանիզմները, որով մենք ուզում ենք իրականացնենք այդ ծրագիրը»,-ասաց Սարգսյանը:

Անի Շաբոյան

 Լուսանկարը՝ PanArmenian-ի