Փաշինյանը պատրաստվո՞ւմ է պատժել սյունեցիներին

Այն, ինչ տեղի ունեցավ այսօր Փաշինյանի հետ Սյունիք, մասնավորապես Մեղրի և Ագարակ կատարած այցերի ընթացքում, կանխատեսելի էր, քանի որ պատերազմի արդյունքում Սյունիքը դարձավ սահմանային գոտի, և դրանից հետո Նիկոլը չպետք է որևէ այլ արձագանքի սպասեր:

Սյունեցիների համար Նիկոլի ազգակործան քաղաքականությունը վիրտուալ բնույթ չի կրում: Նրանց համար դա ակնհայտ է ամեն օր և ամեն ժամ: Այդ պատճառով Փաշինյանը այցից առաջ և ընտրությունների նախօրեին որոշում կայացրեց փոխարինել Սյունիքի մարզի եւ քաղաքների ոստիկանության պետերին: Այնուամենայնիվ, նույնիսկ սա չի փրկի Փաշինյանին, քանի որ երբ մարդու ընտանիքը անվտանգության տեսանկյունից գտնվում է բարդ իրավիճակում, այդ դեպքում դժվար է այդ մարդուն դարձնել աջակից կամ նույնիսկ անտարբեր ընթացող գործընթացների նկատմամբ, ինչը մենք տեսնում ենք Հայաստանի այլ մարզերում:

Մյուս կողմից, սյունեցիները օրինակ են Հայաստանի այլ մարզերի բնակիչների համար, որպեսզի բոլորի համար հասկանալի լինի, թե ինչպիսին պիտի լինի արժանապատիվ քաղաքացու արձագանքը Փաշինյանի այցին: Սյունեցիների օրինակը շատ կարևոր է, քանի որ եթե նրանք նման արձագանք չտային, ապա վաղը նրանք կարող էին հայտնվել ղարաբաղցիների վիճակում:

Ինչ վերաբերում է Երևանի բնակիչներին և Հայաստանի այլ մարզերի բնակիչներին, ապա նրանք կարող են հայտնվել նույն իրավիճակում, ինչ Սյունիքը, եթե շարունակեն պահպանել իրենց կրավորական կեցվածքը՝ կապված Փաշինյանի հետ: Այդ պատճառով սյունեցիների օրինակը շատ կարևոր է Հայաստանի այլ մարզերի բնակիչների համար, բայց Փաշինյանը դա հասկանում է և դա գիտակցելով՝ կփորձի մեկ օր շուտ պատժել սյունեցիներին, որպեսզի կոնկրետ օրինակով ցույց տան, թե ինչ է լինելու իրեն չենթարկվող քաղաքացիների հետ:

Ինչ վերաբերում է Հայաստանի քաղաքական վերնախավին, եթե այն դեռ գոյություն ունի, ապա նրանք պետք է ակտիվորեն սատարեն սյունեցիներին, որպեսզի նրանց մենակ չթողնեն Նիկոլ Փաշինյանի դեմ պայքարում: Հակառակ դեպքում, այս «էլիտան» շատ չի տարբերվի այն անտարբեր քաղաքացիներից, որոնք դիտորդի դերում հետեւում են այն ամենին, ինչ կատարվում է Հայաստանում:

Վաղը, եթե Փաշինյանի գործողությունները ճակատագրական հետևանքներ ունենան Հայաստանի համար, ապա ոչ ոք չի կարողանալու խուսափել պատասխանատվությունից: Նույն շրջանակները, նրանք՝ ովքեր որպես դիտորդ հետեւում են, թե ինչ է կատարվում Հայաստանում, պակաս մեղավոր չեն լինի այն բանի համար, ինչ մենք բոլորս տեսնում ենք այսօր:

Սա՛ է իրականությունը

Դավիթ Մկրտչյան