ՌԴ-ն գերիների վերադարձի գործընթացում պատասխանատվություն չի կրում. Բորիս Ավագյան. Տեսանյութ

Մենք խաղաղության մեջ չենք։ Այսօր ՀՀ ԱԺ-ում լրագրողների հետ զրույցում հայտարարեց Արցախի Հանրապետության արտակարգ իրավիճակների պետական ծառայության փոխտնօրեն Բորիս Ավագյանը` մեկնաբանելով Արցախի տարածքում ադրբեջանական կողմից իրականացվող ագրեսիաների դեպքերը։

«Մենք ունենք թշնամի, որը 25 տարի պատրաստվել է, որ մեզ հետ պատերազմի։ Մեր հասարակության մի հատվածի մեջ եղել է իդեա, որ մենք արդեն խաղաղության մեջ ենք, մեր հարցը լուծված է։ Բայց մենք խաղաղության մեջ չենք, այսօր էլ մենք խաղաղության մեջ չենք, մենք ունենք թշնամական պետություն մեր առջև, որի հետ գնում են բանակցություններ»,– ասաց Ավագյանը։

Ինչ վերաբերում է գերիների վերադարձի խնդրին, ապա Բորիս Ավագյանը նշեց, որ ինքնաթիռը դատարկ եկավ, քանի որ չէին գնացել գերիների հետևից, այլ գնացել էին աշխատանքային այցով։

«Ինչ-ինչ պատճառներով որոշ մարդիկ մտածել էին, որ կարող է գերիների վերադարձ լինել։ Պետք էր նման հրապարակում անել, կարծում եմ՝ ոչ։ Քաղաքացիներն ուզում են ռացիոնալ պատասխաններ ստանալ, հասկանալի է։ Ծնողները ուզում են հասկանալ՝ ինչ է կատարվում»,- նշեց նա։

Մանրամասները՝ կից տեսանյութում;

Zham.am