Նիկոլ Փաշինյանը զբաղված է պոպուլիզմով և ստախոսությամբ, մարդկանց մանիպուլացնում է. Մովսես Հակոբյան

Գեներալ-գնդապետ, ՀՀ ԶՈՒ գլխավոր շտաբի նախկին պետ, նախկին գլխավոր ռազմական տեսուչ Մովսես Հակոբյանը անդրադառնալով իր հասցեին Նիկոլ Փաշինյանի հնչեցրած մեղադրանքներին, թե նա փորձել է հանձնել Արցախի 7-րդ պաշտպանականի շրջանը, ԼՈՒՐԵՐ.com-ի հետ զրույցում, նշեց․ «Նիկոլ Փաշինյանը հիվանդ է և ստախոս: Նա անգրագետ է, շատ տգետ»,- ասաց Մովսես Հակոբյանը՝ հավելելով, թե Նիկոլ Փաշինյանը չի հասկանում , թե ինչ է նշանակում զորահավաք և ինչ է նշանակում մարտական կոչ՝ մեկը մյուսի հետ կապ չունի:

Հետաքրքրվեցինք նաև, թե պատրաստվո՞ւմ է արդյոք Փաշինյանի այս հայտարարությունների առնչությամբ իրավական գործընթաց սկսել, նա պատասխանեց․ «Հիվանդ մարդուն տանում ես` ի՞նչ անես, պիտի տանես բուժես»,- նշեց նա։

Մեր այն հարցին, թե որն է Նիկոլ Փաշինյանի նման հայտարարություններ անելու պատճառը, Մովսես Հակոբյանը պատասխանեց. «Դուք իր հայտարարությունները կարողանո՞ւմ եք հասկանալ: Նա զբաղված է պոպուլիզմով և ստախոսությամբ, մարդկանց մանիպուլացնում է»,- ասաց նա:

Հիշեցնենք, որ Նիկոլ Փաշինյանն այսօր՝ ապրիլի 14-ից, ԱԺ ամբիոնից, պատասխանելով պատգամավորներից մեկի դիտարկմանը, որ հայտարարվել է՝ պատերազմի ընթացքում զորակոչի դադարը Փաշինյանի հրամանով է եղել, ասել է․ «հայտարարության հեղինակը մեծ պրոբլեմ ունի, երբ նա բարձրաստիճան զինվորական լինելով՝ փորձում էր հանձնել 7-րդ պաշտպանական շրջանը, ես այս դահլիճում ներկա մի շարք մարդկանց ներկայությամբ կայացրել եմ որոշում, որի արդյունքում 7-րդ պաշտպանական շրջանը մինչև այսօր հայկական Զինված ուժերի տրամադրության տակ է»։  
Հիշեցնենք, որ զորակոչի դադարի մասին խոսել էր Մովսես Հակոբյանը։