Ռազմագերիների չվերադարձի համար Ռոբերտ Քոչարյա՞նն է մեղավոր. Գեբելսը կնախանձեր Նիկոլ Փաշինյանին

Երեկ նիկոլական լրատվամիջոցներից մեկը տեղեկություն տարածեց, թե Ադրբեջանից հայ ռազմագերիների խումբ է ժամանելու Հայաստան: Փաշինյանի թիմը պատրաստվում էր մեծ փիար անել այդ հարցի շուրջ` «Նիկոլը հանդիպել էր Պուտինի հետ, և հաջորդ օրը հայ գերիները Բաքվից վերադարձան Երևան» թեմայով: Սակայն Փաշինյանի թիմի պատրաստող փիարը պայթեց, երբ պարզվեց, որ Բաքվից եկած ինքնաթիռը վայրէջք է կատարել առանց գերիների: Եվ այստեղ ավանդաբար նիկոլականները սկսեցին աշխատեցնել իրենց «գեբելսյան քարոզչամեքենան»:

Մասնավորապես, նիկոլական խունվեյբիններից մեկը` Նաիրի Փեթաքչյանը, իր ֆեյսբուքյան էջում բառացի գրեց հետևյալը: «Հիշենք Քոչի հարցազրույցը ու սաղովի եկեք լռենք... Ես չեմ զարմանա, եթե ստեղ դրա մատը խառը լինի»:

Հենց այսպես է 20 տարի աշխատել Հայաստանի գեբելսյան քարոզչամեքենան: Այդ տրամաբանությամբ է կարվել Քոչարյանի վրա Մարտի 1-ի գործը, 4 միլիարդի խնդիրը, և այսպես շարունակ:

Սակայն այս վերջին 3 տարիների ընթացքում նիկոլականների կողմից ստեղծված հայկական «գեբելսյան քարոզչամեքենան» ամբողջովին փլուզվել է: Մարդկանց աչքերը բացվեց ու տեսանելի դարձավ, թե ինչ անգրագետ ձևով է կառավարում Փաշինյանը, և որ, ամենակարևորն է, մարդիկ տեսան այս վերջին պատերազմի արդյունքները, երբ 44 օր ստի և կեղծիքից հետո հայ ժողովուրդն առերեսվեց իրականության հետ:

Նույնիսկ նացիստական Գերմանիայի պրոպագանդայի նախարար Գեբելսը ռիսկ չէր անում այս մակարդակի լկտի ստերով կերակել սեփական ժողովրդին, ինչպես որ դա անում էին, նախկինում և այսօր, Փաշինյանի թիմակիցները: Սակայն, ինչպես ասում են, ամեն ինչն ունի իր սկիզբն ու վերջը:

Երբ Քոչարյանի դեմ այս ստի ու կեղծիքի «գեբելյան քարոզչական իմպերիան» փլուզվում է մեր բոլորիս աչքի առաջ, քանզի նույնիսկ ծագումով հայ ավանակն է հասկանում, որ հաստատ Քոչարյանը մեղք չունի, որ հայ գերիները Բաքվից չվերադաձան Երևան:

Բայց Փաշինյանի քարոզչական այս մեքենան գործունեության այլ տարբերակ չունի, քանզի այլ բացատրություն չունի, թե ինչու գերիները չվերադարձան Երևան, կամ ինչ պատճառով Փաշինյանը մերժեց Պուտինի առաջարկը հոկտեմբերի 19-ին, երբ մենք կարող էինք փրկել Շուշին ու Հադրութի մեծ մասը:

Այս ամենն արդեն այնքան տեսանելի է. որ նույնիսկ Հայաստանի հասարակության չորքոտանի հատվածին պարզ է, թե ինչու էին Փաշինյանի թիմակիցները այսքան ժամանակ «աշխատում» մի մարդու դեմ, որի կառավարման ժամանակ բացառապես հաջողություններ էինք արձանագրել:

Սա՛ է իրականութունը

Դավիթ Մկրտչյան