Թուրքական անօդաչուները Արցախից հետո ուղղվում են Դոնբասս. Haber7

Թուրքական «Բայրաքթար ՏԲ2» (Bayraktar TB2) անօդաչու թռչող սարքերը, որոնք միջազգային հայտնություն ձեռք բերեցին հակամարտության գոտիներում ցուցաբերած հաջողությունների շնորհիվ, այս անգամ էլ բեմ են դուրս գալիս Սև ծովում: Նրանք կատարել են մանևրային խնդիրներ և պատրաստ են ռազմական առաքելության իրագործմանը նաև Դոնբասում: Այս մասին հաղորդում է թուրքական «Haber7»-ը:

«Ուկրաինայի ու Ռուսաստանի միջև շարունակվող լարվածության ֆոնին հաղորդվում է, որ հարվածային Bayraktar TB2 անօդաչուները, որոնք ավելի վաղ Ուկրաինան գնել էր Թուրքիայից, թռիչքներ են կատարել Սև ծովում: Հայտնի է դարձել նաև, որ վերջին օրերին թուրքական անօդաչուները ռեգուլյար թռիչքներ են կատարում Դոնեցկի սահմանների երկայնքով:

Հոդվածում նշվում է, որ թուրքական հարվածային անօդաչուները Լիբիայում, Սիրիայում, Արցախում ռազմական գործողությունների ընթացքում շարքից հանել են ռուսական հակաօդային պաշտպանության «Панцирь-С1» բազում համակարգեր: Սիրիայում և Լիբիայում Bayraktar TB2-ը շարքից հանել է 23 միավորից ոչ պակաս նման համակարգեր և կարևոր դեր խաղացել Արցախում:

2019 թ. Ուկրաինան Թուրքիայից վեց անօդաչու է գնել և ցամաքային կառավարման երեք կայան: Կիևի վարչակազմը հայտարարել է նաև, որ այս տարի նոր պատվեր կիրականացնի ռազմածովային ուժերի համար»:

Հատկանշական է, որ թուրք օգտատերերը մեկնաբանել են այդ հոդվածը և ամենակարդացված մեկնաբանություններից էր հետևյալը. «Ուկրաինան լավ երկիր է, դա պետություն է, որը ոչ մեկի տարածքի վրա աչք չունի, կամ մի բանի ինչն ուրիշինն է, նա ժլատ չէ ի տարբերություն Ռուսաստանի»:

Այդ նորությունն ու մեկնաբակությունը ոչ միայն հստակ ցուցադրում են ոչ միայն Թուրքիայի քաղաքականությունը Ռուսաստանի դեմ, որը ծավալվում է շատ ճակատներում, այլև թուրքական հասարակության տրամադրությունների մասին, որը Ռուսաստանը ընկալում է որպես երկիր, որը «հավակնում է օտար տարածքների»:

Zham.am