Ռուս-թուրքական հարաբերությունները լիովին վերականգնվել են. Պուտին (տեսանյութ)

Ինչպես արդեն տեղեկացրել ենք, երեկ ՌԴ Սոչի քաղաքում կայացել է ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի հանդիպումը: ՌԴ նախագահ Վլադիմիր Պուտինը հանդիպման ավարտին հայտարարեց, որ ռուս-թուրքական հարաբերությունների վերականգնումը ճգնաժամից հետո ավարտվել է, և դրանք վերադարձել են բնականոն վիճակի:

«Մեր համատեղ աշխատանքները խոսում են այն մասին, որ ռուս-թուրքական հարաբերությունները ձեռք են բերում հատուկ կարգավիճակ, ինչպես նաև ցուցադրում, որ դրանք  լիովին վերականգնվել են,- ասաց  Պուտինը:

«Թուրքիան կարևոր և հեռանկարային գործընկեր է Ռուսաստանի համար», - ընդգծել է ռուսաստանցի առաջնորդը:

Միևնույն ժամանակ, այսօր ՌԴ նախագահի մամուլի խոսնակ Դմիտրի Պեսկովը հայտարարեց, որ Վլադիմիր Պուտինը կարևորում է ռուսաստանցի արտադրողների շահերը և Ռուսաստանի քաղաքացիների շահերն անվտանգության ապահովման ոլորտում:

Մամուլի խոսնակը նշեց նաև, որ երկու երկրների համագործակցությունը փոխշահավետ է. «Թուրքիայի հետ հարևաններ ենք... Անշուշտ, մեր երկկողմանի հարաբերությունների տրամաբանությունը մեզ տանում է դեպի դրանց ընդլայնումը», - հավելեց Պեսկովը «Россия 24» հեռուստաընկերության եթերում:

Zham.am