Ինչպես կարող է Մխիթարյանը պատմություն կերտել. «Մանչեսթեր Յունայթեդ»-ի անդրադարձը

«Մանչեսթեր Յունայթեդ»-ի պաշտոնական կայքում հուշագրավ հոդված է հայտնվել Հայաստանի ազգային հավաքականի և «Մանչեսթեր Յունայթեդ»-ի կիսապաշտպան Հենրիխ Մխիթարյանի մասին:

«Մանչեսթեր Յունայթեդ»-ի երկրպագուների կողմից սիրված ֆուտբոլիստն արդեն գոլեր է խփել Եվրոպայի լիգայի նախորդ չորս խաղերում անընդմեջ՝ Զարյաի, Սենթ-Էթիենի, Ռոստովի և Անդերլեխտի հետ խաղերում:

Մխիթարյանը հնարավորություն ունի աչքի ընկնելու Եվրոպայի լիգայի կիսաեզրափակչում: Եթե Մխիթարյանը դառնա գոլի հեղինակ «Սելտա»-ի դեմ խաղում, ապա նա կլինի առաջին և միակ ֆուտբոլիստը, ով Եվրոպայի լիգայի հինգ տարբեր խաղերում դարձել է գոլի հեղինակ:

«Մանչեսթեր Յունայթեդ»-ի պաշտոնական կայքում նշվում է, որ այդկերպ Մխիթարյանը կարող է գերազանցել այնպիսի խաղացողների, ինչպիսիք են Դեյվիդ Հերդը, Դուայթ Յորքը, Քրիշտիանու Ռոնալդուն և Ուեյն Ռունին։

Եվրոպայի լիգայի կիսաեզրափակիչի «Սելտա»-«Մանչեսթեր Յունայթեդ» հանդիպումը կկայանա մայիսի 4-ին` Երևանի ժամանակով 23:05-ին:

 Zham.am