Սիրիացիների տառապանքները շատ հեռուն են գնացել. զրուցել են Պուտինն ու Թրամփը

ՌԵԴ և ԱՄՆ նախագահ Վլադիմիր Պուտինի  և Դոնալդ Թրամփի հեռախոսազրույցը բավականին կառուցողական էր: Նման գնահատական են տվել Սպիտակ տանը նրանց հեռախոսազրույցին: ԱՄՆ-ում երկու գերտերությունների առաջնորդների հեռախոսազրույցը դարձել էր օրվա ամենասպասելի իրադարձությունը: 

Ռուսական կողմը հեռախոսազրույցը գործնական և կառուցողական է անվանել, ԱՄՆ վարչակազմում այն նույնպես ստացված են համարել:

«ԱՄՆ նախագահ Դոնալդ Թրամփը և ՌԴ նախագահ Վլադիմիր Պուտինը համաձայնության եկան այն հարցում, որ սիրիացի ժողովրդի տառապանքները հեռուն են գնացել և կողմերը պետք է անեն ամեն հնարավորը բռնությունը դադարեցնելու համար: Զրույցը կառուցողական էր, այն ներառում էր անվտանգության գոտիների քննարկում, երկարատև խաղաղության հաստատում՝ հումանիտար և այլ պատճառներով», - նշել են Սպիտակ տանը:

Նախագահները շեշտադրել են ահաբեկչության դեմ համատեղ ջանքերի կոորդինացման անհրաժեշտությունը ոչ միայն Սիրիայում, այլև ողջ Մերձավոր Արևելքում, հայտնում են Կրեմլում: Ինչ վերաբերվում է իրավիճակին Սիրիայում, ապա ԱՄՆ ներկայացուցիչը կմեկնի Աստանա մասնակցելու սիրիական  հարցին վերաբերող բանակցություններին մայիսի 3-4:

Zham.am