Երրորդ հանրապետության ամենախոշոր կաշառքի դեպքն է բացահայտվելու

Փաշինյանն ԱԺ արտահերթ նիստում խոսել է նաև կոռուպցիոն նոր բացահայտումների մասին.

«Շատ են հարցնում, թե ինչու՞ նոր բացահայտումներ չկան: Տպավորություն կա, որ այդ գործընթացը կանգնել է: Պատճառներից մեկն այն է, որ այսօր ՀՀ-ում բոլոր քննչական մարմինները և քննիչների զբաղվածությունը կրկնակի ավելացել է: Քննիչներ կան, ովքեր միաժամանակ 30 գործ են քննում»:

Դատարանների գործելաոճի մասին Նիկոլ Փածինյանն ասել է.

«Համատարած կիրառում են գրավ և մարդկանց ազատ են թողնում: Մարդիկ էլ մեզ ասում են, մի կողմից բռնում եք հետո պայմանավորվում եք ու բաց եք թողնում: Սա շատ ծար մեղադրանք է»:

Փաշինյանը մեկ անգամ ևս նշել է, որ ինքը որևէ կերպ չի միջամտում դատական գործերին` հավելելով, որ բացահայտումներն ուշանում են, քանի որ մի շարք խոչընդոտներ են առաջանում.

«ԱԺ պատագամավորից մեկի վրա գործ կա հարուցված, որը 100 տոկոսով հիմնավորված է: Բայց մենք երեք ամիս է մի թղթի ենք սպասում այլ երկրից, որը ամեն օր այսօր-վաղն են անում:

Դա նաև մեր դեսպանատան վատ աշխատանքի հետևանքն է, նաև միգուցե կապեր կան այդ երկրի հետ, որ կարողանում են հետաձգել»:

Վարչապետի պաշտոնակատար Նիկոլ Փաշինյանն ասել է, որ դա լինելու է Հայաստանի երրրորդ հանրապետության ամենախոշոր կաշառքի դեպքի բացահայտումը:

Zham.am