Մոսկվայում հայտարարել են ԱՄՆ-ի կողմից Հայաստանը «արտաքին վերահսկողության տակ վերցնելու» մասին. ВЗГЛЯД

Ռուսական «ВЗГЛЯД» թերթի էլեկտրոնային տարբերակում այսօր՝ հուլիսի 10-ին, «Եթե ԱՄՆ-ին իր արտաքին վերահսկողության տակ վերցնի Հայաստանը՝ հանրապետությունը չի լինի» («Если США возьмет Армению под внешнее управление – республики не станет») վերտառությամբ նյութ է հրապարակվել, որում նման կարծիք է հայտնել քաղաքագետ Գևորգ Միրզայանը: 

«Եթե Հայաստանի իշխանությունները փախչեն Ռուսաստանից ԱՄՆ-ի կողմը՝ նրանց կսրբի սեփական ժողովուրդը: Այդ իսկ պատճառով Վաշինգտոնը զգույշ է գործում՝ տեղեկատվական աշխատանքի և տարբեր խորհրդականների օգնությամբ», - ասաց Միրզայանը:

«ԱՄՆ-ն պատրաստ է Հայաստանը վերցնել արտաքին վերահսկողության, չէ որ այն գտնվում է Ռուսաստանի հարավային ֆլանգում: Բացի այդ այն մեր դաշնակիցն է ՀԱՊԿ-ում: Դա կբերի նրան, որ Հայաստանը չի լինի: Ոչ ԱՄՆ-ն, ոչ եվրոպացի ընկերները չեն կարող սուբսիդավորել հայկական տնտեսությունը և պաշտպանել Լեռնային Ղարաբաղը թուրք-ադրբեջանական ամբիցիաներից: Դա կարող է անել միայն Ռուսաստանը», - ընդգծեց բանախոսը: 

Նա հավելեց նաև, եթե հայաստանյան ղեկավարությունը ընդունի ամերիկացի խորհրդականի, որը լուրջ լիազորություններ կունենա հանրապետության ներսում, ապա Ռուսաստանի դրանից ոչ հրապարակային հետևություններ կանի: 

Հետ գրություն Zham.am-ի կողմից:

Որքան էլ ՀՀ վարչապետ Նիկոլ Փաշինյանը պնդի, որ հայ-ռուսական հարաբերությունները երբեք այսքան «փայլուն» չեն եղել, այնուամենայնիվ ռեալ քաղաքականությունն այլ բան է վկայում՝ սկսած ռուսական գազի սակագնի հարցից, վերջացրած՝ Փաշինյանի Հայրենական Մեծ պատերազմում Հաղթանակի 75-ամյակին նվիրված միջոցառումներին չմասնակցելուց, որը սակայն նախատեսված էր: 

Zham.am