ՀԺԿ-ը չի մասնակցելու խորհրդարանական ընտրություններին. Ստեփան Դեմիրճյան
Հայաստանի ժողովրդական կուսակցությունը չի մասնակցելու խորհրդարանական ընտրություններին: Այս մասին Tert.am-ին հայտնեց կուսակցության նախագահ Ստեփան Դեմիրճյանը:
«ՀԺԿ-ը նպատակահարմար չի համարում մասնակցել արտահերթ խորհրդարանական ընտրություններին գործող Ընտրական օրենսգրքով»,- ասաց նա:
Նշենք, որ սոցիալական ցանցերով տարածվում է տեղեկատվություն, ըստ որի՝ Հայ ազգային կոնգրեսը ևս որոշել է չմասնակցել ընտրություններին: Tert.am-ը փորձեց տեղեկատվությունը ճշտել Կոնգրեսի մամուլի խոսնակ Արմեն Խաչատրյանից, սակայն վերջինս պատասխանեց. «Վաղը հայտարարությամբ հանդես կգանք»: