Էրդողանն այսօր Հայաստանի և Ռուսաստանի միջև միջնորդ է. Հրանտ Բագրատյան (տեսանյութ) Մերկապար խորհրդարանում․ Հայաստանի ուկրաինացումը և հին/նոր թուրքամետ հաճախորդների դերը ՀՀ իշխանությունները չեն հասկանում, թե որքանով է կապված մեր տնտեսությունը Ռուսաստանի հետ․ Լևոն Քոչարյան․ Sputnik
21
Համագործակցություն` Արցախից բռնի տեղահանված մեր հայրենակիցներին իրավաբանական, փաստաբանական անվճար աջակցության տրամադրման կազմակերպման նպատակով ՈւՂԻՂ. Հատուկջոկատայինները ներխուժել են Արցախի ներկայացուցչություն Մարդկանց իրավունքներն են խլել իրենց ձեռքից. Բագրատ սրբազան (տեսանյութ) Կիրանցեցի Լենա տատիկ. Դժոխքի դռանն ենք ապրում. Panorama.am ԵՄ դրոշ և կալոշ ԱԺ ամբիոնի վրա Թել Ավիվում Հայաստանի դեսպանին կանչել են Իսրայելի ԱԳՆ Ինչո՞ւ է Հայաստանի ԱԳՆ-ն կանխատեսում նոր պատերազմ. Որո՞նք են Փաշինյանի իրական նպատակները Բագրատ Սրբազանը Կիրանցում է․ Ուղիղ Վրաստանի իշխանությունները պատրաստվում են սենսացիայի՞. արմատապես փոխե՞լ իրենց հարաբերություններն ԱՄՆ-ի հետ Բարգրատ արքեպիսկպոս Գալստանյանը, կողմնակիցների հետ, գնում է Կիրանց Պատերազմ Արցախում
ՀԱՊԿ-ից ՀՀ-ի դուրս գալու հարցն Ալմաթիում չի քննարկվել. Լավրով (տեսանյութ) Մարդիկ տոներով խառը կլինեն և տրանսպորտը կթանկանա. Սոնա Աղեկյան (տեսանյութ) Համագործակցություն` Արցախից բռնի տեղահանված մեր հայրենակիցներին իրավաբանական, փաստաբանական անվճար աջակցության տրամադրման կազմակերպման նպատակով Տեսանյութ, թե ինչպես են քարշակով առգրավում Արցախի նախագահի մեքենան ՈւՂԻՂ. Հատուկջոկատայինները ներխուժել են Արցախի ներկայացուցչություն Մարդկանց իրավունքներն են խլել իրենց ձեռքից. Բագրատ սրբազան (տեսանյութ) Կիրանցեցի Լենա տատիկ. Դժոխքի դռանն ենք ապրում. Panorama.am ԵՄ դրոշ և կալոշ ԱԺ ամբիոնի վրա Թել Ավիվում Հայաստանի դեսպանին կանչել են Իսրայելի ԱԳՆ Մոսկվայում հզոր փոթորիկը պոկել է տանիքներ, տապալել ծառեր. 2 զոհ կա (տեսանյութ) Էրդողանն այսօր Հայաստանի և Ռուսաստանի միջև միջնորդ է. Հրանտ Բագրատյան (տեսանյութ) Իսրայելում ՀՀ դեսպանը կանչվել է Իսրայելի ԱԳՆ Մերկապար խորհրդարանում․ Հայաստանի ուկրաինացումը և հին/նոր թուրքամետ հաճախորդների դերը Ինչո՞ւ է Հայաստանի ԱԳՆ-ն կանխատեսում նոր պատերազմ. Որո՞նք են Փաշինյանի իրական նպատակները Բագրատ Սրբազանը Կիրանցում է․ Ուղիղ Հուսով ենք՝ ՀՀ ղեկավարությունը կպարզաբանի իրավիճակը․ ՀԱՊԿ գլխավոր քարտուղար Հայաստանի Հանրապետությունը ճանաչում է Պաղեստինի պետությունը. ԱԳՆ Ադրբեջանը շուրջ 2 տարի անց հանձնեց սեպտեմբերյան ագրեսիայի ժամանակ զոհվածներից երկուսի մասունքները Նարեկ Բաբայանի գլխին սև ամպեր են կուտակվել Վրաստանի իշխանությունները պատրաստվում են սենսացիայի՞. արմատապես փոխե՞լ իրենց հարաբերություններն ԱՄՆ-ի հետ Խուզարկությունից ու քրեական գործից հետո GG-ի պատվերներն ավելացել են (տեսանյութ) ՀՀ իշխանությունները չեն հասկանում, թե որքանով է կապված մեր տնտեսությունը Ռուսաստանի հետ․ Լևոն Քոչարյան․ Sputnik ԿԿՀ-ն վարույթ է հարուցել ավագանու անդամ Սամվել Հակոբյանի նկատմամբ, ապա կարճել․ «Ժողովուրդ» Բարգրատ արքեպիսկպոս Գալստանյանը, կողմնակիցների հետ, գնում է Կիրանց Պետական ապարատը ձեր սեփականությունը չէ Նիկոլն այլեւս չի կարողանում թաքցնել վախերը ՔՊ-ում երկու թևի են բաժանվել Կարևորը՝ կերը կա. «Կարճ ասած» (տեսանյութ) Այս օրենքով գրեթե ամբողջ Երևանն ընկնում է տեսախցիկների վերահսկողության տակ. Սամվել Մարտիրոսյան (տեսանյութ) Փոխվարչապետ Մհեր Գրիգորյանը կես միլիոն դոլարի պարտատոմսեր է գնել «Արդշինբանկից»

Անհամեմատելի մթնոլորտ ու բովանդակություն. «Փաստ»

«Փաստ» օրաթերթը գրում է. «Ակնհայտ է, որ «Տավուշը՝ հանուն Հայրենիքի» շարժումը ծավալվում է և արդեն իսկ համաժողովրդական բնույթ է ստանում, եթե արդեն չի ստացել: Այդ տեսանկյունից հատկանշական է մայիսի 12-ի երեկոյան Հանրապետության հրապարակում տեղի ունեցած բազմահազարանոց հանրահավաքը: Այն հետաքրքրական ու կարևոր դիտարկումների առիթ տվեց թե՛ մասնակիցների քանակության, թե՛ տեղեկատվական հետաքրքրության, թե՛ միջավայրի ու մթնոլորտի, թե՛ նախորդած ընթացքի ու զարգացումների, թե՛, հասկանալի է, իր գաղափարական-քաղաքական բովանդակության առումներով: Հանրահավաքին, ինչպես հայտնի է, նախորդեց երիտասարդության երթը՝ Մատենադարանի մատույցներից: Իսկ հանրահավաքից հետո հատկապես երիտասարդների խմբերը «հեռացնել Նիկոլին» և ավելի շատ՝ «Հայ, Հայաստան, Հայրենիք ու Աստված» վանկարկումներով «զրնգացնում» էին մայրաքաղաքի փողոցները, մետրոյի կայարանները:

Նմանապես հատկանշական է այն, որ նախորդ հանրահավաքում Բագրատ արքեպիսկոպոս Գալստանյանի՝ «Դիվանագետների խորհրդին» ու բանակի, ԱԱԾ-ի պահեստազորի սպաներին ուղղված խնդրանք-հանձնարարականները հստակ կատարվել էին: Հիշեցնենք, որ Սրբազանը խնդրել էր մասնագիտական զեկույցներ կազմել, համապատասխանաբար՝ սահմանազատման և սահմանագծման մոտեցումների ու սկզբունքների, ինչպեսև՝ անվտանգության ապահովման խնդիրների վերաբերյալ: Հանրահավաքի ընթացքը նկատի առնելով՝ միայն սահմանազատման ու սահմանագծման խնդիրների վերաբերյալ զեկույցը հնչեց, որը ներկայացրեց ԱԳՆ նախկին գլխավոր քարտուղար, արտակարգ և լիազոր դեսպան Վահագն Մելիքյանը: Բայց Բագրատ Սրբազանը նշեց, որ անվտանգության խնդիրների վերաբերյալ զեկույցը նույնպես մշակվել է:

Հընթացս, երբ լսում էիր, օրինակ՝ Վահագն Մելիքյանին, չէիր կարող ափսոսանքի զգացողություն չունենալ, որ այդ մոտեցումները չեն դրված այսօրվա ռեալ «քաղաքականության» հիմքում, այլ կան այն աղետային ցաքուցրիվ, երկրավնաս մոտեցումները, որոնցով առաջնորդվում է Փաշինյանի գլխավորած կառավարությունը: Ըստ որում, բազմաթիվ մասնագետների, դիվանագիտական կադրերի համակարգից դուրս թողած՝ փաշինյանական ԱԳՆ ներկայիս ղեկավար Միրզոյանը դեռ մի բան էլ համարձակվում է այդ մարդկանց «դասալիք» վիրավորական պիտակը տալ, ինչը իշխանության ներկայացուցչի դիրքերի ակնհայտ թուլության ևս մի նշան է: Բայց չշեղվենք:
Հիմնականն, ինչ խոսք, «Տավուշը՝ հանուն Հայրենիքի» շարժման ու ՀԱԵ Տավուշի թեմի առաջնորդ Բագրատ Սրբազանի ելույթն էր: Դա, միանգամից ընդգծենք, հիմնովին ծրագրային ելույթ էր՝ հագեցած գաղափարական ու աշխարհայացքային կարևոր շեշտադրումներով:

Ընդհանուր գաղափարաքաղաքական հենքը, կարելի է ասել, քրիստոնեադեմոկրատական է՝ ազգային ինքնության առանցքային շեշտադրումով: Բագրատ արքեպիսկոպոս Գալստանյանը ներկայացրեց շուրջ երկու տասնյակ կետից բաղկացած «ճանապարհային քարտեզ», որը վերաբերում է մեր երկրի, հասարակության կյանքը, գործունեությունը «Նիկոլից հետո» վերակազմակերպելուն, վերընձյուղելուն, այս վիճակից երկիրը ոտքի հանելուն և ժողովրդով վերջապես ոտքի կանգնելուն: Այստեղ բոլոր կետերը չենք թվարկի կամ նկարագրի, առավել ևս՝ համացանցում Սրբազանի ելույթը կա, ցանկացողները  կարող են այն ևս մեկ անգամ հանգիստ ունկնդրել, ընկալել, վերլուծել: Կարևորը, որ մեր կյանքի ու գործունեության բոլոր ուղղությունների վերաբերյալ հարթակից օրվա գլխավոր բանախոսը հնչեցրեց կոնկրետ պատկերացումներ, խնդիրների հաղթահարման որոշակի ուղիներ ու միջոցներ, հստակ պատկերացումներ ու գնահատականներ: Հնչեցրեց գաղափարական համոզմունքով ու իրական, անկեղծ հավատով շաղախված:

Վստահությամբ, որ ազգային միասնության դեպքում հնարավոր է «Ոսկեպարով՝ Արցախ» բանաձևի իրականացումը: Դա իսկապես առաջնորդական ելույթ էր, որի ընթացքում Բագրատ Սրբազանը հայտարարեց, որ ինքը պատրաստ է ստանձնել ցանկացած պատասխանատվություն, հասկանալի է՝ Ամենայն հայոց կաթողիկոսի հայրապետական օրհնանքի ու ժողովրդական ցանկության դեպքում: Բագրատ Սրբազանը շուրջ 1 ժամ 20 րոպե ելույթ ունեցավ, բայց ահա թե ինչն է բնութագրական. նրա խոսքում չկար ոչ մի թշնամանք, ոչ մի ատելություն կամ ատելության սերմանում, ոչ մի չարություն կամ չարացածություն, ոչ մի քաղաքական շանտաժ, ոչ մի մանիպուլ յատիվ ելևէջ: Կար հստակ դիրքավորում, անկեղծ խոսք՝ ի խորոց սրտի: Կային կոնկրետ շեշտադրումներ: Ամենից կարևորը՝ հանրահավաքի մասնակիցներից շատերի հայացքներում, արձագանքներում հույս էր զգացվում: Ու դա չափազանց կարևոր է: Եվ մարդկանց արձագանքներում էլ ջղաձգություն չկար: Չկար, որովհետև հարթակից էլ նման ազդակներ չէին գալիս:

Ու սա ևս չափազանց կարևոր է: Որևէ առումով այդ ելույթը համեմատելի չէ թե՛ 6 տարի առաջ, թե՛ հաջորդած շրջանում, թե հատկապես այս վերջին 3-4 մղձավանջային տարում Փաշինյանի ունեցած ելույթների հետ: Այդ առումով մայիսի 12-ի հանրահավաքի գլխավոր ելույթը խոր գաղափարական, բովանդակային հակասության մեջ է պետության ղեկն զբաղեցնողի պառակտիչ, ստերով հագեցած, կեղծավոր, ընկճիչ, օտարաշահ խոսույթի հետ: Ի վերջո, բոլորը տեսան, թե 6 տարի առաջ դագաղ ճոճելով ու դրա վրա հրճվելով արված փաշինյանական իշխանագրավումն ինչ աղետների հանգեցրեց, որքան թշնամանք ու ատելություն ներարկվեց մեր հասարակության ու ժողովրդի մեջ: Հույս կա, որ եկել է այդ ամենը հաղթահարելու ժամանակը: Եվ Բագրատ Սրբազանը, մեր եկեղեցու հոգևոր հայրերը ասում են՝ ժողովուրդ, մենք միասին կարող ենք: Եվ մի կարևոր նրբերանգ: Ակնհայտ է, որ այսօր Հայաստանում հասարակական-քաղաքական օրակարգը ձևավորում ու թելադրում է հրապարակը, կոնկրետ՝ «Տավուշը՝ հանուն Հայրենիքի» շարժումը՝ Բագրատ արքեպիսկոպոս Գալստանյանի գլխավորությամբ: Ու սա այս պայքարի կարևոր ձեռքբերումն է:

ԱՐՄԵՆ ՀԱԿՈԲՅԱՆ

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/ZhamLratvakan