Պահանջում ենք դատախազությունից և քննչական մարմիններից անհապաղ քրեական վարույթ նախաձեռնել․ ՀՅԴ Հայտնի են աղետի հետևանքով զոհվածների անունները Էն աղետին պետք է տանեք․ Բագրատ Սրբազան (տեսանյութ)
27
Բագրատ սրբազանը Սարդարապատում է (տեսանյութ) ԱԺ պատգամավոր Աշոտ Սիմոնյանի նկատմամբ բռնություն կիրառածները` դեմքերով և անուններով Հայ պատգամավորին հարվածած կարմրաբերետներից 1-ը «գործից» ազատվել է, հերթը մյուսներինն է Բագրատ Սրբազանը իր աջակիցների հետ մեկնում է Սարդարապատ (ուղիղ) Փաշինյանի անձնական սպասարկման «կարմրաբերետները» թուրքի նման հարձակվեցին դաշնակցական պատգամավորի վրա Ոստիկանները հրմշտում են Բագրատ Սրբազանին Բագրատ Սրբազանի կոչով՝ քաղաքացիները երկու հատվածում փակել են Երևան-Արմավիր մայրուղին Ոստիկանության ուժերը չեն բավարարում․ մի շարք փողոցներ շարունակում են փակ մնալ Քաշքշելով բերման ենթարկեցին Իգոր Խաչատուրովին (տեսանյութ) ՈւՂԻՂ. Անհնազանդության ակցիաներ՝ Երևանում Պատերազմ Արցախում
Բագրատ սրբազանը Սարդարապատում է (տեսանյութ) «Ոստիկանների գործողությունները կարող է հանգեցնել անկանխատեսելի հետևանքների». Մայր Աթոռ Լոռին ու Տավուշը հերթականն են․ քա՞նի աղետի գոտի ենք ունեցել ՔՊ-ի օրոք. «Կարճ ասած» (տեսանյութ) ԱԺ պատգամավոր Աշոտ Սիմոնյանի նկատմամբ բռնություն կիրառածները` դեմքերով և անուններով Հայ պատգամավորին հարվածած կարմրաբերետներից 1-ը «գործից» ազատվել է, հերթը մյուսներինն է Պատգամավորի հետ միջադեպից հետո ոստիկանության ծառայակիցը հեռացվել Է աշխատանքից Ավինյանի քաղաքապետարանի «նոու հաուն»՝ ճանապարհային փոսերի դեմ պայքարում Նման մարդուն Շամշադինում ասում են՝ «ոչնչի վարպետ». Բագրատ սրբազանը՝ Փաշինյանին Բագրատ Սրբազանը իր աջակիցների հետ մեկնում է Սարդարապատ (ուղիղ) «Փուչիկներ էլ կպցրեք, որ չջոկենք` մեջը ոստիկաններ են». Անժելա Էլիբեգովա «Թուրքիային նոր սահմանադրություն է անհրաժեշտ»․ Էրդողան Ոստիկանների բիրտ ուժի կիրառումը պայմանավորված է Փաշինյանի հիստերիայով․ Իշխան Սաղաթելյան. Տեսանյութ Արամ Վարդևանյանը հաղորդում է ներկայացրել դատախազություն Պահանջում ենք դատախազությունից և քննչական մարմիններից անհապաղ քրեական վարույթ նախաձեռնել․ ՀՅԴ Ամենայն Հայոց Կաթողիկոսը հոգեհանգստի կարգ է կատարել ջրհեղեղի հետևանքով զոհված հայորդիների համար Հայտնի են աղետի հետևանքով զոհվածների անունները Սա իշխող ռեժիմի վախճանի վերջին ջղաձգումներն են, որոնք, միանշանակ, արժանանալու են քրեաիրավական գնահատականի․ Սեյրան Օհանյան Բաքվի դատարանը չի բավարարել Ռուբեն Վարդանյանի բողոքը «Այս անգամ գործ չկարեցին վրաս»․ Իգոր Խաչատուրով. Տեսանյութ Կարծում եմ՝ ոստիկաններն էլ են ամաչում․ Արամո. Տեսանյութ Աղետի գոտում 4-րդ հաստատված զոհն ունենք Էն աղետին պետք է տանեք․ Բագրատ Սրբազան (տեսանյութ) Մեքենան վարեց ցուցարարների ուղղությամբ և վրաերթի ենթարկեց քաղաքացուն Կոպիտ խախտմամբ ոտնահարվում է պատգամավորների անձեռնմխելիությունը․ հայտարարություն Փաշինյանի անձնական սպասարկման «կարմրաբերետները» թուրքի նման հարձակվեցին դաշնակցական պատգամավորի վրա Երևանում 8։55–ի դրությամբ բերման է ենթարկվել անհնազանդության ակցիաների 67 մասնակից. ոստիկանություն «Դավիթ Սարգսյանը մեղադրվում է Ստեփանակերտի քաղաքապետարանի տրանսպորտային միջոցները թուրքերին չթողնելու համար». փաստաբան ՌԴ ՊՆ-ն պատրաստակամ է օգնել Հայաստանին Ոստիկանները հրմշտում են Բագրատ Սրբազանին Զոհված զինծառայողների ծնողները փակեցին Մատոցի պողոտան

ՔՊ-ի գեոպոլիտիկան ու 4 տարում չսարքվող 13 տունը. «Կարճ ասած»

Yerevan.today-ի գլխավոր խմբագիր Սևակ Հակոբյանը նշում է. «Անընդհատ հաղորդագրություներ են տարածում, թե վարչապետը, այսինչ նախարարը, մարզպետը քննարկում են ունեցել, անընդհատ ինչ-որ ելույթներ են ունենում, խոսում են ամեն ինչից, խոսում են, խոսում են ու խոսում․ բայց երբ նայում ես, թե տակը ինչ կա, չկա ոչ մի բան։

Էսօր կարդում ենք, որ Սյունիքի մարզի սահմանամերձ Շուռնուխ գյուղում էն 13 տունը, որը պետք է 3 տարի առաջ կառուցված լիներ, դեռ չեն ավարտել։ Կառուցում են 2021 թվականից․ 5 անգամ ժամկետ են երկարաձգել։ Էս խոստումը տված սաղ պաշտոնյաներն ընթացքում փոխվել են․ մարզպետը փոխվել է, քաղաքաշինության կոմիտեի նախագահը փոխվել է, տարածքային կառավարման նախարարը փոխվել, բացի Նիկոլից, սաղ փոխվել են, էդ գյուղում երեխաներ են մեծացել, ընտանիքներ են արտագաղթել, թուրքերն ավելի առաջ են եկել երկրում, լիքը բան է տեղի ունեցել, բայց 13 տան կառուցումը տեղի չի ունեցել։ էնպես չէ, թե ուղղակի ասել են 2024 թվականին տները կտանք, չեն տվել․ քաղաքաշինության կոմիտեի նախագահ Ղուլարյանը, տարածքային կառավարման նախարար Պապիկյանը, հաջորդ նախարար Սանոսյանը, Փաշինյանը, մարզպետ Մելիքսեթը, հետո էս մյուսը ասել են՝ 2021 թվականի վերջին կտանք, 2021 թվականի վերջին ասել են 2022 թվականի կեսին կտանք, դրանից հետո ասել են 2022 թվականի վերջին կտանք, եկել է 2022 թվականի վերջը, ասել են 2023-ի մարտին կտանք, բան չի մնացել անելու, Նիկոլը գնացել է Շուռտնուխ, տներում ֆռացել է, ասել է՝ հեսա կտանք, 2023 թվականի մարտին ասել են՝ 2023 թվականի դեկտեմբերին կտանք, 2023 թվականի դեկտեմբերին ասել են ամեն ինչ պատրաստ է․ 2024 թվականի գարունն է, պարզվում է՝ դե դեռ պատրաստ չէ։

Ես ունեմ շինարար ընկերներ ու բարեկամներ․ տուն են սարքում․ էսօր զանգել-հարցրել եմ՝ 4 տարում քա՞նի տուն եք սարքել, ասում են՝ 16։ Շինարարների մի գրուպան 4 տարում 16 տուն է սարքել, բայց պետությունը՝ իր 92 տոկոս ավելացրած բյուջեով, 5 մլրդ դոլար պարտք վերցնելով, աշխարհի հզոր երկրներին հաթաթա տալով չի կարողացել 13 հատ միհարկանի տուն սարքել։ Հայաստանում չկա մարդ, որ պետությունից ավելի ռեսուրս ունենա․ չի կարող մարդը պետության հետ համեմատվել․ բայց Նիկոլի պահած պետությունն իր ռեսուրսով այ էս կշիռն ունի, որը ներկայացրեցի։

Հլը մի պահ պատկերացրեք՝ Շուռնուխի տները կառուցողը ռուսական կողմը լիներ ու մի ամիս ուշացներ․ պատկերացնում ե՞ք ՔՊ-ականներն ինչ ելույթներ կունենային, ոնց կմեղադրեին, թե՝ չեք կատարում դաշնակցային պարտավորությունները։ Մի պահ պատկերացրեք՝ Շուռնուխի տները սարքողը լիներ նախկին իշխանությւոնը ու 15 օր ուշացներ․ արդեն աչքիս առաջով եկավ Նիկոլի ելույթը, թե ինչ կասեր՝ փողերը լափել են, ատկատ, Սաշիկ, 50/50։ Բա 4 տարում 13 տուն չսարքե՞ս։ Ամոթն էլ լավ բան ա։

Ու ամեն հարցում բնութագրելիս էս իշխանությանը, կլինի ներքին քաղաքականություն, արտաքին քաղաքականություն, տնտեսություն, անվտանգություն, ամեն ինչ անում են Շուռնուխի՝ այդ փոքրիկ գյուղի օրինակով։

Երեկ ԱԽ քարտուղարը գնացել է ԱԺ, ճեպազրույց է տալիս այն մասին, թե՝ Ռուսաստանից զենք ուզեցինք, չեն տվել, ուշացրել են։ Անկեղծ ասեմ․ ես ռուսական կողմից զենքի մասին ոչինչ չեմ լսել, լսում եմ միայն ձեզնից․ բայց ես ձեզ ո՞նց հավատամ․ այն մարդիկ, որոնք ասել են Շուռնուխում տներ ենք սարքում ու խաբել են, այն մարդիկ, որ խոստացել են, որ Հայաստանում կոռուպցիան արմատախիլ է արվելու ու խաբել են, այն մարդիկ, որոնք խոստացել են, որ մարտի 1-ի սպանություն ենք բացահայտել ու խաբել են, նույն մարդիկ ասում են Ռուսաստանը մեզ զենք չի տվել․ հիմա ես որքանո՞վ երաշխիք ունենամ, որ սա էլ չեք խաբում։ Եթե մինչ էս ինչ ասել եք, սուտ է, սա ո՞նց կարող է ճիշտ լինել։

Ասում է՝ մենք անվտանգության երաշխիքներ ենք փնտրում աշխարհում, որովհետև ռուսները մեզ գցել են։ Ես էլ հարցնում եմ՝ դու Հայաստանում էնքա՜ն մարդու ես քցել․․․ միայն մեկ փոքրիկ գյուղում՝ 13 ընտանիքի, մի փոքրիկ Ղարաբաղում դու քցել ես 150 հազար մարդու, Մարտունու Զոլաքար գյուղում ասել ես կարտոշկի ու կաղամբի իրացման պրոբլեմ չունեք ու քցել ես․ ես՝ ՀՀ քաղաքացիս, կարող ե՞մ մտածել, որ էս հայ-ռուսական հարաբերություններում էլ քցողը դու ես։ Եթե դու քեզ ընտրողի հետ սենց ես վարվում, բա մյուսների հե՞տ ոնց կանես։

Իսկ ես որքանո՞վ վստահ լինեմ, որ ուղղությունը, որը դուք բռնում եք, նորմալ հաշվարկ եք արել։ Հայտարարել են, որ օդանավակայանից հանում են ռուս սահմանապահներին։ Ուզում եմ իմանալ՝ ի՞նչ կապ ունեն նրանք, ի՞նչ խնդիր եք դրանով լուծելու, ինչի՞ եք ուզում հասնել։ ՀԱՊԿ-ից ու ռուսներից ինադ ես անում, ի՞նչ հաշվարկներ ունես, ի՞նչ ես ուզում ասել դրանով։ Ինչ-որ քայլ անելուց հաշվարկում ե՞ս։ Ի՞նչ կապ ունեն Զվարթնոցի սահմանապահները ձեր անվտանգային համակարգի դիվերսիֆիկացիայի հետ։ Մի տարի առաջ ընդունեցիք Հռոմի կանոնադրությունը, ընկաք քաղաքական բազարների մեջ, ռուսների հետ լարվեցիք, ի՞նչ ստացավ Հայաստանը դրանից։ Ոչ մեկ չէր մտածում, որ Պուտինին ձերբակալելու եք, բայց ի՞նչ տվեց էդ կանոնադրության վավերացումը։ Հիմա նույնն է, որ ուզում ես հանել օդանավակայանից ռուս սահմանապահներին․ 30 տարի ոչ մեկի մոտ հարց չի առաջացել, թե թե ինչու են էնտեղ, դու 6 տարի իշխանության ես, քո մոտ հարց չի առաջացել, բա հիմա ինչո՞ւ առաջացավ։ Իսկ կարող է՞ ամերիկացիների հանձնարարությունն եք կատարում։

Հիմա Արարատ Միրզոյանն ասում է՝ մենք ինքներս ենք ի զորու պաշտպանել օդանավակայանում անվտագությունը․ չեմ հավատում․ որովհետև նույն Արարատ Միրզոյանի օրոք 200 քառակուսի կիլոմետր մեր սահմանից կորցրել ենք։

Ասում եք՝ ՀԱՊԿ-ը լավ չի աշխատում, գնում եմ ՆԱՏՕ-ի, ԵՄ-ի հետ հարաբերություն զարգացնեմ։ Բայց էդ ո՞նց եղավ, որ մինչև ձեր գալը լավ էին աշխատում, եկաք՝ սկսեցին վատ աշխատել։ Իսկ կարող ա՞ ՀԱՊԿ-ի հետ էլ հարաբերությունները կառուցում եք էնպես, ինչպես Շուռնուխի տները։ Բայց իմացեք, որ ԵՄ-ի ու ՆԱՏՕ-ի հետ էլ եք նույնը անելու։ Դու ասում ես ես Ադրբեջանի հետ հենց էսօր էլ պատրաստ եմ սահմանը բացել, ամեն ինչ նորմալ ա։ Բայց ո՞նց վստահ լինեմ, որ նորմալ ա, եթե քո ոչ մի հաշվարկի մեջ դու չես տեղավորվում։

Էկոնոմիկայի էս թազա նախարարին հարց են տալիս՝ որ Ռուսաստանից ուզում եք կապերը խզել, մեր արտահանման հիմնական ուղղությունն է, տնտեսության հետ ի՞նչ կլինի, փոխարինող կա՞․ պատասխանում է՝ մեր թիմը որոնելու է և փորձելու է գտնել նոր ուղիներ Հայաստանի տնտեսության զարգացման համար: Այսինքն՝ այլընտրանք չկա։ Էն թիմը, որը 4 տարում 13 տուն չի սարքել, էն դեպքում, երբ մեր երկիրը քարը ունի, ավազն ունի, ցեմենտն ունի, մյուս բաներն ունի, արտահանման ամենամեծ ուղղությունը պետք է կարողանա կազմակերպե՞լ։

Էնպես որ դուք անվտագային երաշխիքներից, արտաքին հարաբերություններից մի խոսեք։ Ձեր արտաքին ու ներքին քաղաքականությունը, ձեր պահած անվտանգությունը հիշեցի, երբ տեսա էսօրվա ոստիկանին, որ սիգարետը բերանին գնացել էր ինքնահրկիզում կանխելու։ Նույնը սաղ երկրի վիճակն է․ բենզինը լցրել եք վրեքներս, սիգարետը դրել եք բերաններդ ու ասում եք՝ ամեն ինչ անելու ենք, որ հանկարծ չվառվի։ Բա էլ ինչի՞ էիր լցնում բենզինը, եթե քո նպատակը վառելը չէ։

Կարճ ասած՝ չենք ասում ՀԱՊԿ-ը լավն ա, ԵՄ-ն վատն ա, ՆԱՏՕ-ն պետք է, թե ոչ, մենք ասում ենք՝ դուք, որ ինչ արել եք՝ սխալ եք արել, պրավալ եք տվել, դրա արդյունքում հող ենք կորցրել, հայրենիք ենք կորցրել, մարդիկ ենք կորցրել հազարներով, մարդիկ են արտագաղթել հարյուր հազարներով, սահման եք փոքրացրել, սաղի ճակատագրի վրա ազդել եք, ձեր էս էքսպերիմենտներով մյուս անելիքները ո՞նց ունենանք վստահություն, որ ճիշտ են լինելու։

Ամենավատ բաներից է վստահության կորուստն ու հիասթափությունը։ Ձեր բռնած գործերը, ձեր ընթացող ուղղություները մարդկանց մոտ ունեն 0 վստահություն»։

Հետևեք մեզ Telegram-ում
Հետևեք մեզ YouTube-ում
Websiite by Sargssyan
Հետևեք մեզ Facebook-ում https://www.facebook.com/ZhamLratvakan