Հայաստանի բազմաթիվ շրջաններում ձյուն է տեղում
![Հայաստանի բազմաթիվ շրջաններում ձյուն է տեղում](/timthumb.php?src=/disc/22-01-24/a7608c03c79e3240a46d69366cfb927c.jpg&w=450)
Փրկարար ծառայությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ։ ՀՀ ՆԳՆ փրկարար ծառայությունից հայտնում են, որ մինչև փետրվարի 15-ը ճանապարհի վերանորոգման աշխատանքներով պայմանավորված Մ-6 մայրուղու Վանաձոր-Ալավերդի ճանապարհահատվածի մոտ 38-40-րդ կմ փակ է լինելու ավտոբուսների և կցորդով կամ կիսակցորդով բեռնատար ավտոմեքենաների համար։
Շրջանցիկ ավտոճանապարհը կգործի Նոյեմբերյան քաղաքով։ Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։
Սյունիքի մարզի ավտոճանապարհները և Վարդենյաց լեռնանցք դժվարանցանելի են կցորդիչով բեռնատարների համար։ Վարդենյաց լեռնանցքում, Սարավան-«Զանգեր» կոչվող հատվածում, Ջերմուկ, Բերդ, Դիլիջան, Վանաձոր, Տաշիր, Ստեփանավան, Ծաղկաձոր քաղաքներում, Գյումրու, Աշոցքի, Ամասիայի, Հրազդանի, Արագածի և Ապարանի տարածաշրջաններում տեղում է ձյուն: Աշոցքի և Ամասիայի տարածաշրջաններում բուք է: