Ստացվում է՝ նախարարը չի վստահում իր ղեկավարած ոլորտին. «Ժողովուրդ» (տեսանյութ)
«Ժողովուրդն» արձագանքել է իր երեխայի՝ արտերկրում կրթվելու փաստի վերաբերյալ ԿԳՄՍ նախարար Ժաննա Անդրեասյանի այսօրվա պարզաբանմանը: Նա լրագրողների հետ զրույցում հաստատել էր, որ իր երեխաներից մեկն արտեկրում է ուսում ստանում:
Ավելին՝ նախարարը հայտարարել էր, թե իր երեխաների կրթության իրավունքը, անձնական որոշումների իրավունքը ոչ ոք չի կարող վիճարկել:
«Ժողովուրդը» նկատել է. «Ստացվում է, որ նախարար Անդրեասյանն անգամ ինքն է թերահավատորեն մոտենում իր ղեկավարած ոլորտին, չի վստահում Հայաստանի կրթական որակին ու իր սեփական զավակին ուղարկում է արտերկիր՝ ուսման:
Թերևս տեղին է նաև այստեղ հիշել, թե ինչպես էին ՔՊ-ականները քննարկման առարկա դարձրել այն, որ «Ապրելու երկիր» կուսակցության նախագահ Մանե Թանդիլյանի երեխաներն արտերկրում են սովորում ու տարբեր առիթներով դա հիշեցնում էին:
Ստացվում է՝ Մանե Թանդիլյանի երեխաների դեպքում դրսում կրթություն ստանալն ամոթ է, իսկ Ժաննա Անդրեասյանի իրեխաների կրթության իրավունքը վիճարկել չի կարելի:
Այսինքն՝ այն ինչ չի կարելի և անունդունելի է մյուսների համար, ՔՊ-ականների համար դա իրավունքի պաշտպանության հարց է»:
Տեսանյութը՝ News.am-ի յութուբյան էջից:
Հետևեք մեզ Facebook-ում