Հետևություններ ենք անում. ՌԴ ԱԳՆ-ն մեկնաբանել է Էրդողանի՝ ՆԱՏՕ-ին Շվեդիայի անդամակցության դիմումը հաստատելու որոշումը
![Հետևություններ ենք անում. ՌԴ ԱԳՆ-ն մեկնաբանել է Էրդողանի՝ ՆԱՏՕ-ին Շվեդիայի անդամակցության դիմումը հաստատելու որոշումը](/timthumb.php?src=/disc/11-07-23/7488868be354b2d16c90fa453b8a6e79.jpg&w=450)
Մոսկվան չի մոռանում, որ Թուրքիան ՆԱՏՕ-ի անդամ է, RTVI-ին ասել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Անկարայի որոշումը՝ հաստատելու Շվեդիայի՝ ՆԱՏՕ-ին անդամակցելու դիմումը։ Նրա խոսքով՝ Կրեմլը դատում է ըստ արարքների և համապատասխան եզրակացություններ անում։
«Թուրքիան ՆԱՏՕ-ի անդամ է. մենք երբեք չենք մոռացել դրա մասին: Մենք դատում ենք գործերով, եզրակացություններ անում»,- ասել է Զախարովան։
Ավելի վաղ ՆԱՏՕ-ի գլխավոր քարտուղար Ենս Ստոլտենբերգը հայտարարել էր, որ Թուրքիան համաձայնել է Շվեդիային ընդունել որպես ռազմական բլոկի մաս։ Նրա խոսքով՝ համաձայնությունը ձեռք է բերվել Թուրքիայի նախագահ Ռեջեփ Թայիփ Էրդողանի, Շվեդիայի վարչապետ Ուլֆ Քրիստերսոնի և Եվրոպական խորհրդի նախագահ Շառլ Միշելի հետ բանակցությունների ընթացքում։
CNN Türk-ի փոխանցմամբ՝ Թուրքիայի խորհրդարանը կարող է վավերացնել ՆԱՏՕ-ին անդամակցելու Շվեդիայի դիմումը մինչև հուլիսի 21-ը։ Դրական որոշման դեպքում փաստաթուղթը կստորագրի Էրդողանը։
Աղբյուր՝ Tert.am