Հիմա էլ պատրաստ ենք ՀԱՊԿ առաքելություն ուղարկել հայ–ադրբեջանական սահման, բայց հայկական կողմը նախընտրում է պայմանավորվել ԵՄ–ի հետ. Լավրով. Տեսանյութ
Դիտել նաև
Արևմուտքը փորձում է Հայաստանին հետ քաշել դաշնակիցներից. ՀԱՊԿ-ում ՌԴ մշտական ներկայացուցիչ
Հուսով ենք՝ ՀՀ ղեկավարությունը կպարզաբանի իրավիճակը․ ՀԱՊԿ գլխավոր քարտուղար
ՌԴ ԱԳՆ-ն մեկնաբանել է ՀԱՊԿ ԱԳ նախարարների խորհրդի նիստին Հայաստանի չմասնակցելը
ՀԱՊԿ-ը ակնկալում է, որ Երեւանը կհստակեցնի կազմակերպության հետ իր հարաբերությունների հեռանկարները
Հայաստանը չի մասնակցում ՀԱՊԿ անդամ երկրների պաշտպանության նախարարների հանդիպմանը
Ամենամյա ասուլիսի ընթացքում ՌԴ ԱԳ նախարարը չթաքցրեց, որ դժվարություններ կան ՀՀ–ի հետ կապված։
«Մեր հայ գործընկերներն առաջարկել էին ՀԱԿՊ առաքելության ուղարկել հայ–ադրբեջանական սահման, և մենք Երևանի գագաթնաժողովին համաձանեցրինք այդ առաքելության հետ կապված հարցերը։ Բայց փաստաթուղթը չընդունվեց, որովհետև հայ գործընկերները պնդում են, որ փաստաթղթում Ադրբեջանի գործողությունների խիստ քննադատություն ներառվի։ Մենք բացատրեցինք, որ եթե խոսքը քննադատության, հռետորաբանության մասին է, ամեն մեկն այստեղ կարող է գրել` ինչ կամենա, բայց ՀԱՊԿ առաքելություն ուղարկելու համար դա պարտադիր չէ»,–ասաց Լավրովը։
Նրա խոսքով` չնայած ռազմավարական գործընկերներ են, ՀՀ–ն նախընտրում է պայմանավորվել ԵՄ–ի հետ։
«Դա, իհարկե, Հայաստանի իրավունքն է, բայց չպետք է մոռանալ, որ խոսքը գնում է Ադրբեջանի հետ սահմանի մասին, և եթե այդ առաքելությունը ծավալվի առանց Ադրբեջանի համաձայնության, այն կարող է անարդյունավետ լինել։ Սահմանին վստահության ամրապնդման փոխարեն նա կարող է լրացուցիչ ռիսկեր ստեղծել»,–ասաց նա։
Լավրովը վստահ է, որ Կովկասում ու Կենտրոնական Ասիայում խնդիրների լուծմանը պետք է մոտենալ ստեղծագործաբար՝ հասկանալով իրավիճակի ողջ բարդությունը:
ՌԴ ԱԳ նախարարը հավելել է, որ հայ գործընկերները հավաստիացրել են, որ ոչ մի անհամապատասխանություն ՀԱՊԿ շրջանակներում ստանձնած պարտավորությունների հետ չի լինի:
Նրա խոսքով, Երևանում ՀԱՊԿ գագաթնաժողովում ազնիվ և անկեղծ զրույց է տեղի ունեցել ինչպես երկրի ղեկավարների, այնպես էլ ԱԳ նախարարների միջև։
Հետևեք մեզ Facebook-ում