Իրանը իր քաղաքացիների համար գազի սպառումը կարող է դարձնել անվճար

Իրանի կառավարությունը էներգաօգտագործման արդյունավետության բարձրացման ծրագրի շրջանակներում մտադիր է տնային տնտեսություններին, որոնք մեծ քանակությամբ գազ չեն սպառում, բնական գազի մատակարարումը դարձնել անվճար։ Այս մասին հայտարարել է Իրանի Նավթի նախարար Բիջան Զանգանեն։ Այս մասին հայտնում է Press TV-ն։

Զանգանեն նշել է, որ թեեւ այս ծրագրով պետության եկամուտները կնվազեն, սակայն ավելի կարեւոր է առաջարկի եւ պահանջարկի բալանսը ապահովելը, որին կհասնեն այս ծրագրի իրականացումով։ Նախատեսվում է նաեւ բնակչությանը սպառած բնական գազի դիմաց սահմանել գնային խոշոր զեղչեր։ Իրանում տնային տնտեսությունների կողմից օրական սպառվում է 600 միլիոն խորանարդ մետր գազ։

Zham.am