Իրանում ահաբեկչության հետևանքով սպանվել է երկրի Պն ենթակայության ներքո գործող հետազոտական և նորարարական կազմակերպության ղեկավարը

Այսօր ահաբեկիչները հարձակվել են Իրանի Պաշտպանության նախարարության հետազոտությունների և նորարարության կենտրոնի ղեկավար Մոհսեն Ֆահրիզադեի վրա:

Ահաբեկիչների հետ անվտանգության ծառայության բախման ժամանակ Մոհսեն Ֆահրիզադեն ծանր վիրավորվել է և տեղափոխվել հիվանդանոց: Ցավոք բժիշկներին չի հաջողվել նրա կյանքը փրկել: Հայտնում է Dejavu/ Дежавю ալիքը:

Իրանի արտաքին գործերի նախարար Մոհամադ Ջավադ Զարիֆը Tvitter-ի իր էջում իրանցի գիտնականի սպանության մեջ մատնանշել է Իսրայելի մասնակցության փաստը:

«Այս ստոր արարքը, որտեղ Իսրայելի դերի լուրջ վկայություններ կան, ցույց է տալիս հանցագործների հուսահատությունը պատերազմ հրահրելու մեջ»,- նշել է Իրանի արտգործնախարարը: Սիրիայի լուրեր (Ekhnar-e Suriye) ալիքը պնդում է, որ «սիոնիզմի ռեժիմի» ահաբեկիչները, որ սպանել են գիտնական Մոհսեն Ֆահրիզադեին, Իրան են թափանցել Ադրբեջանի տարածքից:

Ալիքը հիշեցնում է, որ Բաքուն և Անկարան 4000 ահաբեկիչներ են տեղափոխել Արցախի դեմ պատերազմելու համար և այդ ահաբեկիչները մնացել են Ադրբեջանի և Արցախի տարածքում՝ Իրանի հետ սահմանաին:

Փորձագետների կարծիքով արցախյան պատերազմում Իրանը համարվում էր Ադրբեջան, Թուրքիա և Իսրայել դաշնակից պետությունների թիրախը:

Մոհսեն Ֆահրիզադեն Իրանի միջուկային ծրագրի ղեկավարներից և աշխարհի 500 հզորագույն մարդկանցից մեկն էր: