Աշխատող քաջարանցին՝ քաջարի զինվորի կողքին. Լուսանկարներ

10 հատ արեւային էներգիայի հավաքածու, 10 հատ դիզելային ագրեգատ, 10 հատ տաքացուցիչ, սննդամթերք, ծխախոտ, դեղորայք, ջուր,հյութեր եւ էլի շատ բաներ, որոնք այսօր պետք են սահմանագծի զինվորին․ Քաջարանի «Աժդանակ» ՍՊԸ–ի ներդրումը բանակին։

Ընկերության աշխատակիցները ծանրոցներն անձամբ հասցրին սահմանը պաշտպանողներին։

«Սա ոչինչ է մեր հերոս տղաների սխրանքի առաջ։ Պարզապես որոշեցինք մեր փոքրիկ ներդրումը ունենալ, ասել՝ որ թիկունքը իրենց հետ է, աշխատող քաջարանցին նրանց կողքին է։ Ապրե՛ք տղերք»,–մեզ հետ ունեցած զրույցում ասաց ընկերության տնօրեն Արման Մկրտչյանը։

Վերջինիս խոսքով՝ այս ծրագիրը շարունակական է լինելու։

«Թող պատերազմը րոպե առաջ ավարտվի; Մենք միշտ բանակի կողքին ենք եղել ու լինելու ենք»,–ասաց Ա․ Մկրտչյանը։