Պուտինը պատմել է մեկ ինքնաթիռով վարչապետի հետ չթռչելու կանոնի մասին

Ռուսաստանի նախագահ Վլադիմիր Պուտինը կանոն է սահմանել ըստ որի նա և Ռուսաստանի վարչապետը երբեք չեն թռչելու մեկ օդանավով, և միաժամանակ չեն բացակայելու երկրից՝ թռչելով տարբեր ինքնաթիռներով: Այս մասին Պուտինը պատմել է «Россия 1» հեռուստաալիքի «Москва. Кремль. Путин» հաղորդման շրջանակներում:

«Որովհետև մեզ վրա հատուկ պատասխանատվություն է երկրի իրավիճակի համար», - պարզաբանեց Ռուսաստանի ղեկավարը:

Պուտինի խոսքերով, երբ վարչապետը (ՌԴ վարչապետ Միխաիլ Միշուստինը) հիվանդացավ, նա պարտավոր էր «գործել շատ զգույշ և համապատասխան կերպով փոփոխել գրաֆիկը»:

Պուտինը նաև նշել է, որ սիրում է շփվել մարդկանց հետ, այդ իսկ պատճառով մեկուսացման ռեժիմը նրա համար իրական փորձություն դարձավ:

Ռուսաստանի նախագահը նաև ընդգծեց, որ 3-4 օրը մեկ կորոնավիրուսի թեստ է հանձնում, և դրանք բացասական արդյունք են ցույց տալիս:

Հիշեցնենք, որ ապրիլի վերջին ՌԴ վարչապետ Միխաիլ Միշուստինը վարակվել էր կորոնավիրուսով:

Zham.am