«Հեղափոխության վերջը եկել է, դուք անդունդի վրա եք կանգնած». Գագիկ Ծառուկյան. Տեսանյութ

Ես դիմում եմ ժողովրդին, այս ամենը սկսել է այն ժամանակ, երբ մենք կազմակերպեցինք ԲՀԿ-ի քաղխորհրդի նիստ եւ նայելով իրավիճակը՝ սոցիալական, քաղաքական, տնտեսական, արտադրական, գյուղատնտեսական, առողջապահակն եւ լիարժեք ներկայացրինք այն, ինչ կա: Այս մասին, այսօր՝ հունիսի 16-ին, ԱԺ-ում իր ելույթում նշեց ԲՀԿ խմբակցության ղեկավար Գագիկ Ծառուկյանը:

«Ոչ թե մենք ժողովրդին ներկայացնում ենք ֆեյսբուքերով, ֆեյքերով, ՊՈԱԿ-ի 500 աշխատող, որը պետական գումար ա ստանում, ամեն մեկն էլ կա տասնապետ, հարյուրապետ, հազարապետ, ես խնդրում եմ, որ այսօր խորհրդարանը լիարժեք քայլ կատարի իրական  կյանք:

Խոստումները տրված է երկու տարի առաջ: Այն, ինչ անհրաժեշտ է ժողովուրդը լսեր, լսում էր, եւ բոլորը սուտ, օդ, ոչ մի բան չկա սարքած: Արածը քանդվել է, ձախողվել է»,-ասաց նա:

Ծառուկյանը հիշեցրեց, որ առաջին օրվանից հայտարարել է, որ նոր իշխանության կողքին է. «Այո, 1/3-ը տվել եմ, Փաշինյանը հրավիրել է, ստորագրել եմ հուշագիրը: Ցանկացել եմ աջակցել բոլոր հարցերով, որ ժողովրդի մեջ բան փոխվի, ժողովրդի սպասելիքը իրականություն դառնա: Բայց ստով, ֆեյսբուքով, ֆեյքերով... ՊՈԱԿ-ը 500 հոգի այսօր այլանդակությունները գրում է, ամոթ ա, ֆեյքերով, ֆեյսբուքով երկիր չես կարող կառավարել»:

Մենք հայ ենք, Ծառուկյանի վրա գործ եք հարուցել վախո՞ւմ եք: Այս մասին, այսօր՝ հունիսի 16-ին, շարունակեց Գագիկ Ծառուկյանը:

«Հարց չկա, էսօր հանրությունը Ծառուկյանի կողքին ա: Ամբողջ ներքին զորքերը դրել ուղարկել եք , մարզերը փակելով, մարդկանց պառկացնելով, փռելով: Բա իշխանության գալուց ասում էիք՝ անկախություն, ազատություն, իշխանությունը ժողովուրդն ա: Ձեր 88 տոկոսը, որ կար, էսօր 7 տոկոս էլ չկա, գնացեք մարզերը, ժողովրդի հետ քննարկեք: Սպառված ա»: Բայց մենք էլի ասում ենք՝ ձեր մեջ քննարկեք ձախողումները, մեզ պետք է այս վիճակից դուրս գալ:

Այո ասել եմ, որ բոլոր ոլորտները ձախողված է, մասնագետներ չկան: Համաճարակը ձախողված է: Այսքան ժամանակ քայլ կատարե՞լ եք, մարզկենտրոններում հիվանդանոց բացե՞լ եք: Դրել եք մարտից քարոզարշավ եք անում, ասում եք՝ էդ ի՞նչ ա, թե վարակը: Պինցետով հանենք, օղի խմենք: Կամ ասում են՝ Ծառուկյանը չի տիրապետում միջազգային անցուդարձին: Տո Ծառուկյանը էնքան ա տիրապետում, ձեր ցավը տանեմ, որ բերիք սաղ վարակեցիք, սաղ լցրեցիք, էսօր ասում եք՝ մասկա դրեք, տուգանեք վարորդին: Տենց չի կարող լինել:

Ես կարող եմ ձեն չհանեմ, ինձ համար հանգիստ ապրեմ, բայց սիրտս տրաքում ա: Ասում ա՝ վարկի հիմնական պատճառը ժողովուրդն է, որ մսկա չի դնում: Դուք եք ձախողել, ձեր երեխաներն ու ծնողներն են հիվանդանում:

Ասում ա՝ ով Ծառուկյանին դեմ չքվեարկի, դա մեր հեղափոխության վերջն է լինելու: Ձեր հեղափոխության վերջը եկել է»,-հայտարարեց Ծառուկյանը:

Մանրամասները՝ տեսանյութում:

Zham.am