Սրա համար էին անտիկ աշխարհում օխլոսին զրկում քաղաքացիական իրավունքներից

Ուրեմն «ով ում ոնց չափալախեց», կամ «ով ում ոնց խոսքերով ծալեց» թեմաները թողենք մտքով աղքատներին, մենք խոսենք լուրջ բաներից. ասում են երեկ նախագահ կոչված անձը ստորագրել է վերջերս ԱԺ կոչված կառույցի կողմից հաստատված այն հակաիրավական օրենքը, որը խախտում է սեփականության անձեռնմխելիության սկզբունքը (իբրև թե կոռուպցիայի դեմ պայքարի համար են ընդունել դա:

 

Բնական է, որ մեր ժողովրդի գերակշիռ մեծամասնությունը կողմ է այդպիսի օրենքներին, քանի որ մեր բնակչության մեծամասնությունը, ցավոք սրտի, օխլոս է, այլ ոչ թե դեմոս: Օխլոսը միշտ էլ տենչում է կուլակաթափություն, ինչու՞, որովհետև նրան թվում է, որ հեսա կխլեն ու իրենց կբաժանեն, նա չի հասկանում, որ խլողը այդ ամենը ինքն է վայելելու, ավելի ճիշտ մսխելու, իսկ հաջորդ իշխանավորը կգա ու, եթե տակը ինչ որ բան մնացած լինի, արդեն ինքը կխլի ու կմսխի, ու այդպես շարունակ, և մի գեղեցիկ օր բոլորը կտեսնեն, որ սովամահ են լինում ու, գլուխները կախ պանդուխտի ճամպրուկը ձեռքներին, գնալու են օտար երկրներ, ստրկությամբ կամ գողությամբ, իրենց օրվա հացը վաստակելու:

 

Այ նաև սրա համար էին անտիկ աշխարհում օխլոսին զրկում քաղաքցիական իրավունքներից, նրանք հասկանում էին, որ եթե օխլոսին այդպիսի իրավունքներ տան, ապա վերջինս պատուհաս է դառնալու երկրի գլխին: