Իսրայելը հայտարարել է կորոնավիրուսի COVID-19-ի դեմ պատվաստանյութի ստեղծման մասին. Jerusalem Post

Կենսաբանական հետազոտությունների իսրայելական ինստիտուտը ստեղծել է կորոնավիրուսի նոր տիպի COVID-19-ի դեմ պասիվ պատվաստանյութը: Այս մասին հաղորդում է «Jerusalem Post»-ը՝ երկրի պաշտպանության նախարարությանը հղելով: 

«Զգալի առաջընթաց է գրանցվել COVID-19-ի դեմ անտիդոտ փնտրելու գործում», - նշվում է Իսրայելի պաշտպանական գերատեսչության և ինստիտուտի համատեղ հայտարարության մեջ:

Անտիդոտը ճանաչում է վարակը և չեզոքացնում այն պացիենտի օրգանիզմում, վստահեցնում են իսրայելացի բժիշկները և զինվորականները:

Նրանք ընդգծում են, որ պատվաստանյութի հայտնագործումն ավարտվել է: Հիմա ինստիտուտը կպատենտավորի այն և պայմանագիր կկնքի դրա կոմերցիոն արտադրության համար: 

Սակայն մինչ պատվաստանյութի զանգվածային արտադրությունը, անհրաժեշտ է անցկացնել մի շարք բարդ և երկարատև գործընթացներ: Այն կարող է տևել մի քանի ամսից մինչ մի քանի տարի:

Zham.am