Կորոնավիրուսից բուժված չինացի բժիշկները սևացել են. The Daily Mail

Չինական Ուհանում կորոնավիրուսից բուժված բժիշկները, որոնք վարակվել էին հունվարի կեսերին, սևացել են բուժում ստանալուց հետո:

Ինչպես հաղորդում է բրիտանական «The Daily Mail»-ը, 42-ամյա բժիշկներ Յու Ֆանի և Հու Վեյֆենգի մոտ հիվանդությունը ծանր էր ընթանում, բժիշկները պայքարում էին նրանց կյանքի: 

Ըստ բժիշկների, նրանց մարմինը սևացել է օրգանիզմում հորմոնային դիսբալանսի պատճառով, որն առաջացել է լյարդի վատ աշխատանքի հետևանքով՝ պայմանավորված կորոնավիրուսիով:

Բժիշկ Յու Ֆանը խոստովանել է, որ հիվանդությունը որոշ չափով վնասել է իրեն:

«Երբ առաջին անգամ գիտակցության եկա, և այն բանից հետո, երբ իմացա իմ վիճակի մասին՝ վախեցա: Հաճախ մղձավանջներ էի տեսնում», - ասաց նա:

Նրա գործընկեր բժիշկ Հու Վեյֆենգը դեռևս գտնվում է ինտենսիվ թերապիայի բաժանմունքում, քանզի նրա վիճակը շատ ավելի ծանր է:

Ըստ բժշկի, որը բուժում է իր երկու գործընկերներին, մաշկի գույնի մգեցումը դեղորայքի ազդեցության հետևանք է, և ժամանակի ընթացքում մաշկի գույնը կփոխվի, երբ լյարդը սկսի նորից նորմալ գործել:

Zham.am