ՀՀ քաղաքացիները զվարթնոց օդանավակայանում մոտ 5 ժամ ենթարկվել են անմարդկային փորձությունների

Խաչիկ Թադևոսյանը ֆեյսբուքյան իր էջում գրել է՝

ՇՏԱՊ!!!

ՀՀ քաղաքացիները առանց անգամ որևէ նախնական պատկերացում ունենալու անսպասելի կերպով Զվարթնոց օդանավակայանում մոտ 5 ժամ ենթարկվել են ամեն տեսակի անմարդկային փորձությունների։

1. Ինքս վերջին օրերին գրեթե ամենօրյա կապի մեջ գտնվելով Գերմանիայում ՀՀ դեսպանության հետ, հայտնել եմ Հայաստան վերադառնալու ցանկության մասին, հատուկ հարցնելով ինքնամեկուսացման հնարավորության մասին։ Ընտանիքիս անդամները անգամ զանգահարել են այդպես ասված " թեժ գիծ" առկա նախապայմանները ստուգելու համար։ Հատուկ ինքնամեկուսացման համար, իմ բարեկամներից մեկի բնակարանը ամբողջությամբ ազատվել է բացառապես իմ համար։ Ես պատրաստ լինելով 14 օր ապրել այդ տանը միայնակ, համաձայն եմ եղել ստորագրել ցանկացած փաստաթուղթ օրը դա կփաստի։ Երեկ ինձ հաջողվեց այսօրվա համար տոմս գնել և վերադառնալ։

3. Անմիջապես Երևանում վայրէջք կատարելուն պես անհասկանալի կերպով նախապատվություն տալով Վրաստանի քաղաքացիներին, նրանց խնդրեցին առաջինը լքել ինքնաթիռը, իսկ ՀՀ քաղաքացիները լինելով միմյանցից մի քանի սանտիմետրերի հեռավորության վրա մոտ 40 րոպես փակված են եղել նեղ ինքնաթիռի մեջ, որը վարակվելու հավանականությունը ցանկցած այնտեղ գտնվող մարդու համար հազարապատկում է։

4. Բազմաթիվ բողոքներից հետո, երբ որոշ մարդկանց ինքնազգացողությունը սկսեց վաթթարանալ, մարդկանց դուրս թողեցին։ Դրսում պարզվեց, որ քիչ առաջ պարետը որոշում է կայացրել, որ անկախ նրանից քաղաքացիները տեղեկացված են եղել, թե ոչ բոլորը պետք է իրենց կամքին հակառակ մեկուսացվեն, անգամ եթե դա հակասում է մարդկանց հասանելի առկա տեղեկատվությանը, որը տրամադրվում է թեժ գծի և դեսպանատների կողմից։

5. Մարդկանց ստիպեցին մոտ ևս 2.5 - 3 ժամ անընդհատ մեկ մտնել, մեկ դուրս գալ փոքրիկ ավտոբուսների մեջից։ Բազմաթիվ բացթողումների և ցայտնոտային անկազմակերպվածության պատճառով սկզբից 40 րոպե հավաքվում էր մարդկանց անձնագրերը, իսկ հետո երկար ետ վերադարձվում։

6. Երբ մարդիկ ներկայացնում էին պաշտոնական ապացույցներ, որ դիմել են տարբեր կառույցների երկիր մուտք գործելու կարգը հասկանալու համար և նրանց մինչև անգամ թռիչք չի զգուշացվել նմանատիպ որոշման մասին, ապա որպես պատասխան չէր ներկայացվում բացարձակապես ՈՉ ՄԻ ՕՐԻՆԱԿԱՆ ՓԱՍՏԱԹՈՒՂԹ և ՉԿԱՐ ԳԵԹ ՄԵԿ ԱՆՁ ում կարելի էր կոնկրետ հարցեր ուղղել։

7. Չզարմանաք, որ տվյալ խմբի մեծ մասը վարակվի և անգամ ավելի լուրջ հետևանքներ ունենա։ Սա կարող է իսկական աղետ լինել, որովհետեև մարդիկ անգամ կես մետր հեռավորություն չէին կարող պահել ինքնաթիռում, ավտոբուսի մեջ կամ այնուհետև մեկուսացման վայրի առաջ հերթ պահելիս։

Հ․ Գ․ Արտակարգ իրավիճակը արտակարգ իրավիճակով, սակայան մարդկանց իրավունքների բացահայտ ոտնահարումը, որը ուղեկցվում է նախապես չհայտարարված որոշումներով անընդունելի է իրավական պետությունում։

Կոչ եմ անում բոլոր իրավապաշտպան կառույցներին զբաղվել մարդկանց իրավունքների պաշտպանությամբ։